Jeremiah 42:19 - Tedim Bible

¹⁹ Tua ciangin Judah gamah a omlai sunte kiangah, “Topa in note kiangah, Egypt gamah pai kei un, hong ci hi. Tuni-in note kong hilhkholhnate teltakin thei un.

Tedim Bible Revision 2017

¹⁹ Tua ciangin Judah gamah a om lai sunte kiangah, “Topa in note kiangah, Egypt gamah pai kei un, hong ci hi. Tu ni-in note kong hilh kholhnate teltakin thei un.

Jeremiah 42:19 Referans Kwoze

Thu-hilhkikna 17:16

Amah in ama aituam dingin sakol tampi nei lo ding hi. Topa in no kiangah, ‘Hih lampi tawnin na kilehkik ngei kei ding uh hi,’ hong ci ahih manin, amah in sakolte a lei dingin Egypt gamah mite paisak lo ding hi.

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkikna dingun amaute a hilh na kamsangte that uh a, amaute in gendai mawhna lianpi bawl uh hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

Efesa 4:17

Tu-in Topa’ min tawh limtakin note kiangah ka hong gennop thu in: Thu um lo dawibiate bangin gamta nawn kei un. Amaute’ thu ngaihsutte a kimang bangmah om lo a,

Sawltak 2:40

Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

Ezekiel 17:15

Ahi zongin Judah Kumpipa in amah lehdo veve a, sakol galkap honpite a ngen dingin Egypt gamah mi paisim sak hi. A deihna bangin tangtung ding ahi hiam? Tua bangin a gamtatna tawh suaktazo ding ahi hiam? A thuciamna palsat napi-in gimthuak loin om thei ding ahi hiam?

Ezekiel 3:21

Ahi zongin a khialhloh nadingin mihoih khat na hilh a, na thu hong mangin mawhna a bawl kei leh amah nungta ding hi. Nang zong na suakta ding hi,” a hong ci hi.

Ezekiel 2:5

Amaute in nangma thu hong mang a, hong mang kei zongin, amaute lakah kamsang khat a omkhit lamtak thei ding uh hi.

Jeremiah 38:21

Ahih hangin na lut nop kei leh, Topa in ka maangmuhna sungah hih bangin hong lak hi:

2 KHANG TANGTHU NIHNATE 24:19

Ahi zongin Topa’ lamah amaute a paipih kik dingin amah in amaute lakah kamsangte a puak hi. Hihte in amau’ langkhatah teci pang a, ahih hangin amaute in don lo uh hi.

Thu-hilhkikna 31:21

Siatna le haksatnate amaute tungah a tun ciangin hih la, teci-in amaute’ langkhatah pang ding hi (bang hang hiam cih leh a suanlekhakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Gamlak-vakna 14:3

Namsau tawh a si dingin bang hangin Topa in hih gamah kote hong paipih ahi hiam? Ka zite uh le ka tate uh galte’ mat suak ding uh hi. Egypt-ah ciahkik ding ko a dingin hoihzaw ding hi lo ahi hiam?” a ci uh hi.

Isaiah 21:12

Galvil pa keimah in, “Zing ni hong suak a, zan khua zong hong mial hi. Thukan nuam na hih leh hong paikik inla hong kan in,” ka ci hi.