Jeremiah 41:9 - Tedim Bible

⁹ Ishmael in a thahsa misi luanghawm khempeuh a paihna tuikhuk pen a gol khat hi a, kumpipa Asa in Israel kumpipa Baasha a nan nadingin a bawl ahi hi. Nethaniah’ tapa Ishmael in a thahsa misi luanghawmte tua tuikhuk a dimsak hi.

Tedim Bible Revision 2017

⁹ Ishmael in a thah sa misi luanghawm khempeuh a paihna tuikhuk pen a gol khat hi a, kumpipa Asa in Israel kumpipa Baasha a nan nadingin a bawl ahi hi. Nethaniahʼ tapa Ishmael in a thah sa misi luanghawmte tua tuikhuk a dimsak hi.

Jeremiah 41:9 Referans Kwoze

2 SAMUEL NIHNA 17:9

Tu nangawnin amah dum khat sungah ahi a, mundang khatah ahi zongin bu khin ding hi. Kisim cilna-ah mi pawlkhat si leh tua thu a za mi peuhpeuh in, ‘Absalom a zui mite lakah a si om khin hi,’ ci ding hi.

1 SAMUEL MASA 13:6

A galte in Israel mite neh mahmah ahih manin amaute haksatna sungah a omlam uh a kitheih uh ciangin suanghawm sung, leihawm sung, suang kawmlak, han lak, le tuikhukte sungah bu uh a,

Thukhente 6:2

Israel-te tungah Midian-te gualzo uh hi. Midian-te’ kiang panin a buk nadingun leihawmte le munmuanhuaite a bawl uh hi.

Hebru 11:38

Amaute a dingin leitung mite kilawm zo lo uh ahih manin galtai bangin gamlak le mualtung khawngah vak kawikawi-in, leihawm suanghawm sung peuhah a om uh hi.

1 SAMUEL MASA 24:3

Lam gei-a tuukhawk omna-ah a pai hi. Tua gei-ah leihawm khat om a, awng hawh dingin tua sungah Saul a pai hi. Tu-in David le a mite tua leihawm tawngnung sungah na tu uh hi.

1 SAMUEL MASA 14:22

Tua mah bangin, Filistia-te a taina thu Efraim mualtung gamah a bu Israel mite khempeuh in a zak uh ciangin amaute in zong galphualah nakpitakin a nungdelh uh hi.

1 SAMUEL MASA 14:11

Tua ahih ciangin Filistia khuacingte kiangah amau tegel va kilak uh hi. Filistia-te in, “En un, a bukna uh leivang panin Hebru mite hong pusuakkhia uh hi,” a ci uh hi.

Isaiah 14:19

Ahih hangin nang pen namsau tawh a kithat misi a uihte, Suanghawmpi sunga a paisukte, khe tawh a kisikcip si luanghawmte bangin, na hankhuk pualamah hong kilawnkhia hi.