Jeremiah 41:5 - Tedim Bible

⁵ Shekhem, Shiloh, le Samaria khuate panin mi sawmgiat hong pai uh hi. Amaute in a khamul uh metin a puan uh balkekin, a pumpi uh a kikui gawpsa-in Topa’ biakinn-ah an tawh biakna le paknamtui tawh biakna a piak ding uh hong tawi khawm uh hi.

Tedim Bible Revision 2017

⁵ Shekhem, Shiloh le Samaria khuate panin mi sawm giat hong pai uh hi. Amaute in a khamul uh metin a puan uh bal kekin, a pumpi uh a kikui gawp sa-in Topaʼ biakinn ah an tawh biakna le paknamtui tawh biakna a piak ding uh hong tawi khawm uh hi.

Jeremiah 41:5 Referans Kwoze

1 KUMPI MASATE 16:24

Amah in Shemer’ tung panin ngun talen nihin Samaria mual lei hi. Amah in kulh tawh a mual um a, tua mual a nei pa Shemer’ min tamin a lamsa khuapi min Samaria a phuak hi.

2 KUMPI NIHNATE 25:9

Amah in Topa’ biakinn a kipan kumpipa’ inn le Jerusalem khuasunga om inn khempeuh hal a, inn lian khempeuh amah in haltum hi.

Joshua 18:1

Tua ciangin Israel mihon buppi Shiloh-ah kikhawmin tua lai-ah kikhopna buk lam uh a, amaute’ mai-ah gam zawhsa-in om hi.

Thu-hilhkikna 14:1

“Note pen Topa na Pasian uh mite na hi uh hi. Misite hangin note ki-atkeh loin, na sam uh zong na mettol kei ding uh hi.

1 KUMPI MASATE 12:1

Shekhem-ah Rehoboam pai hi. Bang hang hiam cih leh amah kumpi a suaksak Israel mi khempeuh Shekhem-ah hong pai uh hi.

Thukhente 9:1

Tu-in Jerubbaal’ tapa Abimelek, Shekhem a a nu’ tanaute kiangah pai-in amaute khempeuh kiangah,

Piancilna 33:18

Paddanaram panin hong pai lampi, Kanaan gam sunga om Shekhem khuapi-ah lungmuang takin Jakob hong tung a, a khuapi kiangah phual a sat hi.

Isaiah 15:2

A sangna munte-ah a kap dingin Dibon khuamite paito uh hi. Nebo le Medeba khuate’ hangin Moab mite nakpitakin kap uh hi. Dahna limin lu khempeuh kimettol a, khamul khempeuh zong kimetmai hi.

1 KUMPI MASATE 16:29

Judah kumpi Asa’ kum sawmthum le giatna kumin Omri’ tapa Ahab in Israel tungah uk ding kipan a, amah in Samaria panin Israel-te tungah kum sawmnih le nih sung a uk hi.

1 KUMPI MASATE 12:25

Tua ciangin Jeroboam in Efraim mualtung gam sungah Shekhem khua phutin tua lai-ah tawlkhat sung a teng hi. Tua ciangin amah paikhia-in Penuel a puah hi.

1 SAMUEL MASA 1:7

Tua ahih ciangin a kumkumin tua bangin hi den uh hi. Topa’ inn-ah a paitoh simin Peninnah in Hannah phin zel hi. Tua ahih ciangin Hannah kapin an ne lo hi.

Jeremiah 7:14

ka min tawh a kilo, note in na muan uh hih Jerusalem biakinn le note le na pu na pate uh’ kiangah kong piak hih mun pen Shiloh-a biakinn tungah ka hih bangin ka hih ding hi.

Jeremiah 7:12

Ka min ka tensak masakna Shiloh khua-a biakinn-ah va pai unla ka mi Israel-te’ gitlohna hangin ka nasepna va en dih un.

Late 102:14

Bang hang hiam cih leh na nasemte in tua khua suangtumte it uh a, a leivuite nangawn pammaih sa uh hi.

2 SAMUEL NIHNA 10:4

Tua ciangin Hanun in David’ nasemte manin a khamul uh alang ciat kiatkhiatsak a, a puan uh a laizang, a kawng ciangah atkhiat sakin amaute a sawlkhia hi.

Joshua 24:32

Israel mite in Egypt panin a puak uh Josef’ guhte pen Shekhem’ pa Hamor’ tapate tung panin Jakob in dangka zakhat tawh a lei Shekhem leitangah kivui a, tua leitang pen Josef’ suanlekhakte’ luah a suak hi.

Piancilna 34:2

Hiv mi Hamor’ tapa Shekhem, tua gam ulianpa in amah a muh ciangin, amah manin luppih a, amah siasak hi.

Piancilna 37:12

Khatvei a pa uh’ tuuhonte a cing dingin Shekhem gei-ah a sanggamte a pai hi.

Thukhente 18:31

Tua ahih ciangin Shiloh-ah Pasian’ biakbuk a om sungteng Mikah’ bawlsa a kiseek milim tua lai-ah a om hi.

Late 78:60

Mihingte’ lakah ama omna puanbuk ahi, Shiloh khua-a ama omna biakinn nusia a,

Jeremiah 16:6

Hih gamah miliante le mineute si ding uh a, kivui loin, amau’ hangin kuamah kap loin, kuamah in a pumpi uh kuiliam loin a sam uh zong a met kei ding uh hi.

Jeremiah 41:4

Gedaliah a kisuam ni a zing ciang, kuama theih ma-in

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei noleno kisuliam ding na hi uh hiam?

Jeremiah 48:37

“Mi khempeuh in a lu uh mettol uh a, a khamul uh kiatsiang uh hi. A khutte uh kuikek uh a, a kawng uhah puanhampi a teng uh hi.

Joel 2:13

Na dah taktakna uh lungkhamna tawh langsak unla, na puante uh a balkek bek hi kei un,” hong ci hi. Topa, note’ Pasian kiangah ciahkik un. Amah migi mahmahin hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

1 KHANG TANGTHU MASATE 19:4

Tua ahih ciangin Hanun in David’ nasemte manin a khamul uh metsak a, a kawng ciang uhah a puante uh atkhiatsakna tawh amaute daisakin a sawlkhia hi. Tua ahih ciangin amaute kihem uh hi.