Jeremiah 41:2 - Tedim Bible

² Nethaniah’ tapa Ishmael le tua mi sawmte in, Babylon kumpipa in gam uk dingin a koih Ahikam’ tapa, Shafan’ tupa Gedaliah pen namsau tawh satin a thatlum uh hi.

Tedim Bible Revision 2017

² Nethaniahʼ tapa Ishmael le tua mi sawmte in, Babylon kumpipa in gam uk dingin a koih Ahikamʼ tapa, Shafanʼ tupa Gedaliah pen namsau tawh satin a that lum uh hi.

Jeremiah 41:2 Referans Kwoze

2 KUMPI NIHNATE 25:25

Ahih hangin a kha sagihna sungin kumpi innkuan sung panin Elishama’ tapa Nethaniah, a tapa Ishmael mihing sawm tawh hong kuanin Gedaliah le Mizpah-ah amah tawh a om Judah mi le Khaldea mite simin a that hi.

Jeremiah 40:5

Kei ka pau loh ciangin Nebuzaradan in, “Babylon kumpipa in Judah gam khuapite a uk dingin a koih Ahikam’ tapa, Shafan’ tupa Gedaliah kiangah paikik in. Amah tawh na mipihte lakah na teng in. Na ten nop kei leh lah na pai nopna peuhpeuhah pai in,” a hong ci hi. Tua ciangin kumpi cing galkap mangpa in an le letsong hong pia-in kei a hong paisak hi.

Jeremiah 40:7

Babylon kumpipa in gam uk dingin Ahikam’ tapa Gedaliah koih a, Babylon khua-ah sal dingin a kipaipih lo gam sungah mizawng pente ahi papi, nupi, le naupangte a en dingin a koihna thu, Babylon-te’ khut sungah a lut nai lo, gam sung khuaneu-a om galkapbute le a galkapte un a zak uh ciangin

Late 109:5

Tua ahih ciangin amaute in hoihna a dingin siatna itna a dingin muhdahna tawh kei hong thuk uh hi.

Late 41:9

Ka muan, ka lawm it pa, keima an a ne pa nangawn in a khetul tawh kei hong peek vial hi.

2 SAMUEL NIHNA 3:27

Hebron-ah Abner hong paikik ciangin, Joab in amah tawh a kituam ho dingin kulhkongpi pamah paikhiatpih a, a sanggampa Asahel’ phulakna-in amah in a gil sun a, tua ciangin a si hi.

Johan 13:18

“Hih bangin ka hong genna in note khempeuh hong huam kim lo hi. Ka teelsa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Jeremiah 40:8

Mizpah khua Gedaliah kiangah a pai uh hi. Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netofah khuami Efai’ tate, le Maakath mi Jezaniah-te in a galkapte hong paipih uh hi.

Jeremiah 41:3

Ishmael in Mizpah khua-ah Gedaliah tawh a omkhawm Jew mi khempeuh le tua laitakin a om Babylon galkapte zong a that hi.

Jeremiah 40:14

“Ammon kumpipa Baalis in nang a hong suam dingin Nethaniah’ tapa Ishmael a sawllam na thei hiam?” ci-in a dong uh hi. Ahih hangin Ahikam’ tapa Gedaliah in amau’ thugen a um kei hi.

Jeremiah 40:16

Ahih hangin Ahikam’ tapa Gedaliah in Kareah’ tapa Johanan’ kiangah, “Tua bangin hih kei in; bang hang hiam cih leh Ishmael’ thu na genna man lo hi,” a ci kik hi.