Jeremiah 41:10 - Tedim Bible

¹⁰ Tua ciangin kumpi cing galkapmang Nebuzaradan in, Ahikam’ tapa Gedaliah’ uk dingin a piak kumpipa’ tanute le Mizpah khua-a a kinusia mi khempeuh a kipan Mizpah khua-ah a omlai mi khempeuh Nethaniah’ tapa Ishmael in man a, Ammon gam lam zuanin a paikhiatpih hi.

Tedim Bible Revision 2017

¹⁰ Tua ciangin kumpi cing galkap maang Nebuzaradan in, Ahikamʼ tapa Gedaliahʼ uk dingin a piak kumpipaʼ tanute le Mizpah khua-a a kinusia mi khempeuh a kipan Mizpah khua ah a om lai mi khempeuh Nethaniahʼ tapa Ishmael in man a, Ammon gam lam zuanin a paikhiatpih hi.

Jeremiah 41:10 Referans Kwoze

Jeremiah 40:14

“Ammon kumpipa Baalis in nang a hong suam dingin Nethaniah’ tapa Ishmael a sawllam na thei hiam?” ci-in a dong uh hi. Ahih hangin Ahikam’ tapa Gedaliah in amau’ thugen a um kei hi.

Jeremiah 40:7

Babylon kumpipa in gam uk dingin Ahikam’ tapa Gedaliah koih a, Babylon khua-ah sal dingin a kipaipih lo gam sungah mizawng pente ahi papi, nupi, le naupangte a en dingin a koihna thu, Babylon-te’ khut sungah a lut nai lo, gam sung khuaneu-a om galkapbute le a galkapte un a zak uh ciangin

Nehemiah 2:19

Ahi zongin Horonaim khuami Sanballat, Ammon mi sal ahi Tobiah, le Arab gammi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

Nehemiah 2:10

Ahi zongin Israel mite’ phattuamna ding a sem dingin mi khat a paina thu Horonaim khuami Sanballat le Ammon mi sal ahi Tobiah in a zak uh ciangin nakpitakin lungkim lo uh hi.

Jeremiah 39:6

Riblah khua-ah Babylon kumpipa in Zedekiah’ muh mahin a tapate thahlupsak a, Judah gam kumpi ulian khempeuh zong a thatlum hi.

Jeremiah 22:30

Topa in hih bangin ci hi: “Hih pa, ta nei lopa, a khan tawntungin a gualzo ngei lopa, ci-in ciamteh un. Ama suanlekhakte khat beek in David’ tokhom luah lo ding a, Judah gam a uk kei ding hi,” a ci hi.

Jeremiah 38:23

Na nupite le na tate khempeuh Babylon mite kiangah kipaipih ding a, nangmahmah zong amaute’ khutsung panin na suakta kei ding hi. Babylon kumpipa in hong man ding a, hih khuapi mei tawh a kangtum ding hi,” ka ci hi.