Jeremiah 40:9 - Tedim Bible

⁹ Ahikam’ tapa, Shafan’ tupa Gedaliah in zong amaute kiangah kiciamin gen a, “Babylon mite’ khutnuai-ah na om ding uh kihta tuan kei un. Hih gam sung mahah om unla, Babylon kumpipa’ na sepsak le-uhcin note tungah thusia bangmah om lo ding hi.

Tedim Bible Revision 2017

⁹ Ahikamʼ tapa, Shafanʼ tupa Gedaliah in zong amaute kiangah kiciamin gen a, “Babylon miteʼ khutnuai ah na om ding uh kihta tuan kei un. Hih gam sung mahah om unla, Babylon kumpipaʼ na sepsak le-uhcin note tungah thusia bangmah om lo ding hi.

Jeremiah 40:9 Referans Kwoze

Jeremiah 27:11

Ahih hangin Babylon kumpipa’ hakkol pua a, ama na a sem gam pen, lo kho-in a tentheih nadingin ama gam sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

2 KUMPI NIHNATE 25:24

Tua ciangin amaute le a mite uh tungah Gedaliah kiciamin, “Khaldea mi uliante’ hangin lau kei un; gam sungah tengin, Babylon kumpipa’ na sem un. Tua hileh note a dingin thu hong nuam ding hi,” a ci hi.

Late 128:2

Na khut tawh na sep thaman na ne ding a, na lungdamin na maavang ding hi.

Late 37:3

Topa muang inla, gamtat hoih in. Gam nuamah teng inla, thumanin om in.

Piancilna 49:15

A tawlngakna mun hoihsa a, a leitang noptuak sa hi. Tua ahih ciangin van pua dingin a liangko niamsak a, sila bangin na kisemsak hi.

Kah la 1:1

Khatvei lai-in mi a dimtakin a tenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhte’ lak panin a thupi pen khuapi tu-in salin a kiman khinzo hi.

Kah la 5:9

Gam sung khempeuhah misuamte dim ahih manin, luangkham zen mahin an zong dingin ka pai uh hi.