Jeremiah 40:7 - Tedim Bible

⁷ Babylon kumpipa in gam uk dingin Ahikam’ tapa Gedaliah koih a, Babylon khua-ah sal dingin a kipaipih lo gam sungah mizawng pente ahi papi, nupi, le naupangte a en dingin a koihna thu, Babylon-te’ khut sungah a lut nai lo, gam sung khuaneu-a om galkapbute le a galkapte un a zak uh ciangin

Tedim Bible Revision 2017

⁷ Babylon kumpipa in gam uk dingin Ahikamʼ tapa Gedaliah koih a, Babylon khua ah sal dingin a kipaipih lo gam sungah mizawng pente ahi papi, nupi le naupangte a en dingin a koihna thu, Babylon-teʼ khut sungah a lut nai lo, gam sung khua neu-a om galkap bute le a galkapte un a zak uh ciangin

Jeremiah 40:7 Referans Kwoze

Jeremiah 39:10

Kumpi cing galkap mangpa Nebuzaradan in bangmah a nei lo mizawng pawlkhat Judah gamah nusia a, leenggah huan le lo a pia hi.

Ezekiel 45:16

Israel mi khempeuh in hihte pen biakna-in a piak dingin, amau a uk ulianpa tungah puak ding uh hi.

Jeremiah 39:4

Judah kumpipa Zedekiah le galkap khempeuh in amaute a muh uh ciangin a taisim uh hi. Zan laitakin kumpipa’ huansung tawnin kulh tegel kikal-a kongpi kantanin khuapisung pan paikhia uh a, Arabah gam lam a manawh uh hi.

2 KUMPI NIHNATE 25:4

Tua ciangin khuapikulh sulet uh hi. Khaldea mite khuapi kiimah a ompi mahin, kumpipa’ huan kiang lam kulhpi nih kikal kulhkongpi lampi zui-in kumpipa le a galhang mi khempeuh zanin a tai uh hi. Arabah lam manawhin amaute pai uh hi.

2 KUMPI NIHNATE 25:12

Ahih hangin a cingte a ukpa in leenggui lote a en ding le lo kho dingin tua gammi a zawngpente pawlkhat nusia lai hi.

Jeremiah 41:11

Ahih hangin Kareah’ tapa Johanan le amah tawh a omkhawm galkapmang khempeuh in Nethaniah’ tapa Ishmael’ tatsiatnate a zak uh ciangin

Jeremiah 43:6

Papi, nupi, naupang, kumpipa’ tanute a kipan kumpi cing galkapmang Nebuzaradan in Ahikam’ tapa, Shafan’ tupa ahi Gedaliah’ kep dingin a nusiat mi khempeuh a paipih uh hi. Neriah’ tapa Baruk le kei zong a hong kipaipih hi.

Jeremiah 52:16

Ahih hangin kumpi cing galkap mangpa Nebuzaradan in leenggah lo a cing ding le lo a kho dingin gam sunga a zawngpente pawlkhat a nusialai hi.

Jeremiah 39:9

Tua ciangin kumpi cing galkap mangpa Nebuzaradan in khuapi sungah a kinusia lai mite pen ama kiangah a tai mite tawh, Babylon-ah sal dingin a paipih hi.

Jeremiah 39:14

thong huangsung panin kei a hong lakhia uh hi. Ahikam’ tapa ahi, Shafan’ tupa Gedaliah in hong kemin inn-ah a hong ciahpih dingin kei a hong ap uh hi. Tua ahih manin ka mipihte’ lak mahah ka om hi.

Jeremiah 41:1

Kha sagih kha hong tun ciangin Nethaniah’ tapa, Elishama’ tupa, kumpi nam le kumpipa’ ulian pente khat ahi Ishmael, mi sawm tawh Mizpah khua Ahikam’ tapa Gedaliah’ kiangah hong hawh uh hi. Mizpah khua-ah amaute in an a nekkhawm laitakun,

Jeremiah 41:10

Tua ciangin kumpi cing galkapmang Nebuzaradan in, Ahikam’ tapa Gedaliah’ uk dingin a piak kumpipa’ tanute le Mizpah khua-a a kinusia mi khempeuh a kipan Mizpah khua-ah a omlai mi khempeuh Nethaniah’ tapa Ishmael in man a, Ammon gam lam zuanin a paikhiatpih hi.