Jeremiah 40:4 - Tedim Bible

⁴ Tu-in en in, na khuta kibulh kolte tuni-in kong sutkhiatsak a, kong khahkhia ta hi. Babylon khua-ah kei tawh pai ding hoih na sak leh hong pai in. Keimah in limtakin nang kong kem ding hi. Ahih hangin Babylon khua-ah kei tawh pai ding hoih na sak kei leh hong pai kei in. Gam khempeuh na mai-ah om a, na painopna peuhpeuhah na pai thei hi,” a hong ci hi.

Tedim Bible Revision 2017

⁴ Tu-in en in, na khut a kibulh kolte tu ni-in kong sutkhiatsak a, kong khah khia ta hi. Babylon khua ah kei tawh pai ding hoih na sak leh hong pai in. Keimah in limtakin nang kong kem ding hi. Ahih hangin Babylon khua ah kei tawh pai ding hoih na sak kei leh hong pai kei in. Gam khempeuh na mai ah om a, na pai nopna peuhpeuh ah na pai thei hi,” a hong ci hi.

Jeremiah 40:4 Referans Kwoze

Piancilna 20:15

Abimelek in, “En in, ka leitang, na mai-ah om hi. Nangmah in hoih na sakna munah teng in,” a ci hi.

Piancilna 13:9

Na mai-ah gam buppi om hi lo ahi hiam? Kei’ kiang panin nangmah paikhia tawm in. Nang in veilam na lak leh, kei taklamah ka pai ding hi. Tua ahih kei leh zong, nang in taklam na lak leh, kei veilamah ka pai ding hi,” a ci hi.

Piancilna 47:6

Egypt leitang khempeuh nangma thu ahi hi. Na pa le na sanggamte lei hoihna penah tengsak in. Goshen leitangah amaute tengsak in. Amaute’ lakah a hih thei mi na muh leh ka ganhingte a kem dingin koih in,” a ci hi.

Jeremiah 37:14

Tua ciangin kei zong, “Hilo hi’ng; Babylon mite’ lamah ka taisim kei ding hi,” ka ci hi. Ahih hangin Irijah in ka thugen hong ngai loin kei hong man a, kumpi uliante kiangah hong paipih hi.

Kah la 3:7

Amah in kol hong bulh a, taikhiatzawh hetlohna kulhpi sungah hong koih hi.

Piancilna 44:21

Tua ciangin nangmah in na nasemte kiangah, ‘Ka mit tawh amah ka muh theih nadingin kei kiangah amah hong tonpih suk un,’ nong ci hi.

Esther 3:11

Tua ciangin kumpipa in Haman kiangah, “Na sum cihte nangmah kong piakik hi; na mi cihte zong nangma khut sungah kong pia hi; na ut bangbangin bawl in,” a ci hi.