Jeremiah 40:11 - Tedim Bible

¹¹ Tua mah bangin Moab gam, Ammon gam, Edom gam, le gamdang a teng Judah mi khempeuh in, Babylon kumpipa in Judah gamah mi pawlkhat omsak lai a, tuate a uk dingin Ahikam’ tapa, Shafan’ tupa Gedaliah koih hi, cih thu a za uh hi.

Tedim Bible Revision 2017

¹¹ Tua mah bangin Moab gam, Ammon gam, Edom gam le gamdang a teeng Judah mi khempeuh in, Babylon kumpipa in Judah gamah mi pawl khat omsak lai a, tuate a uk dingin Ahikamʼ tapa, Shafanʼ tupa Gedaliah koih hi, cih thu a za uh hi.

Jeremiah 40:11 Referans Kwoze

Isaiah 16:4

A kihawlkhia ko Moab mite note lakah hong tengsak unla, kote hong susiate’ kiang panin kote’ belh hong hi un. A nengniam pa om nawn loin siatna hun beita a, a khe tawh a sik mipa gam sung panin a manthan ciangin,

Ezekiel 35:15

keima mi Israel-te a siatgawp manin na lungdamna zah tawh kizui-in nangma tungah kong bawl ding hi. Seir Mualtung gam ahi Edom leitang khempeuh, gamkhing suak ding hi. Tua ciangin Topa ka hihna thu mi khempeuh in hong thei ding uh hi,” hong ci hi.

Ezekiel 35:5

“Nang pen Israel mite’ gal na hi tawntung a, a mawhna hangun gim a tuah ni a nunung pen, a lungkham thuak hun laitakun Israel mite na siasakmang hi.

Ezekiel 25:12

Topa Pasian in kei kiangah thu hong gen a, “Edom mite in Judah mite tungah a phulakna uh nasia lua ahih manin tua a phulakna hangun Edom mite tungah mawhna om hi.

Ezekiel 25:8

Topa Pasian in kei kiangah thu hong gen a, “Moab mite in a thugenna uhah, Judah gammite pen minam dangte bangmah hi lel uh hi, ci se uh hi.

Ezekiel 25:6

“Bang hang hiam cih leh Topa Pasian ahi keimah in kong genin-ah: Note lungdamin khut bengin, kipakin na diang uh a, Israel gam na simmawhbawl uh hi.

Ezekiel 25:2

“Mihing ahi Ezekiel aw, Ammon mite’ lam nga inla, amaute mawhsakna thu gen in.

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

Ezekiel 5:3

Tua ciangin a multe tawmno khat la inla, na puanmongteep-ah tun in.

Jeremiah 24:9

Amaute ka hawlkhiatna ding mun khempeuhah mite in kihamsiatna-in a zat dingun simmawhna le zahkonate ka thuaksak ding a, amaute’ thuakna hangin leitung gam khempeuh ka lausak ding hi.

1 SAMUEL MASA 12:12

Tua ciangin note a sim dingin Ammon kumpipa Nahash hong kuanna na muh uh ciangin, Topa na Pasian uh na kumpi uh hi napi-in note in kei kiangah, ‘Kumpi khat in kote hong uk ding hi,’ na ci uh hi.

1 SAMUEL MASA 11:1

Tua ciangin Ammon mi Nahash a galkapte tawh paito-in Jabeshgilead umcih hi. Jabesh mite in Nahash kiangah, “Kote tawh kilemna hong bawl in; nangma na kong sem ding uh hi,” a ci uh hi.

Gamlak-vakna 25:1

Shittim-ah Israel mite a om laitakin Moab gam numeite tawh paktat ding kipan uh hi.

Gamlak-vakna 22:1

Tua ciangin Israel mite ding khia uh a, Jerikho gei Jordan galkhat Moab gam zanglei-ah giahphual a sat uh hi.

Piancilna 36:8

Tua ahih ciangin Seir mualtung gamah Esau teng hi. Esau’ min dang khat pen Edom ahi hi.

Gamlak-vakna 25:2

Hih numeite in amau’ pasian biakpiakna pawi-ah Israel mite sam uh a, amaute in a pawi an nekpihin, amau’ pasian-te’ mai-ah kun uh hi.

Isaiah 11:14

Ahih hangin amaute in nitumna lama om Filistia mite simkhawm ding uh a, nisuahna lama om mite luhkhawm ding uh hi. Amaute in Edom mite le Moab mite zogawp ding uh a, Ammon mite in amau’ thu mang ding uh hi.

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uhah vun at lohpi ahi uh hi,” a ci hi.

Jeremiah 41:10

Tua ciangin kumpi cing galkapmang Nebuzaradan in, Ahikam’ tapa Gedaliah’ uk dingin a piak kumpipa’ tanute le Mizpah khua-a a kinusia mi khempeuh a kipan Mizpah khua-ah a omlai mi khempeuh Nethaniah’ tapa Ishmael in man a, Ammon gam lam zuanin a paikhiatpih hi.

Jeremiah 43:5

Tua ciangin Kareah’ tapa Johanan le galkapmangte khempeuh in, a kihawlkhiatna uh gam khempeuh panin a hong ciahkik mite le Judah gamah a omlaisun teng Egypt gamah a paipih uh hi.

Ezekiel 34:6

Tua ahih manin ka tuute kithehthang gawp uh a, mualtungte le mual sang tung khempeuhah vakmang uh hi. Leitung gam khempeuhah ka tuute kithehthang uh a, kuamah in zon ding kan dingin ngaihsun lo uh hi.

Jeremiah 43:6

Papi, nupi, naupang, kumpipa’ tanute a kipan kumpi cing galkapmang Nebuzaradan in Ahikam’ tapa, Shafan’ tupa ahi Gedaliah’ kep dingin a nusiat mi khempeuh a paipih uh hi. Neriah’ tapa Baruk le kei zong a hong kipaipih hi.