Jeremiah 4:4 - Tedim Bible

⁴ Judah mite le Jerusalem khuamite aw, Topa’ thu zui unla, lungsim takpi tawh zui un. Na tuacih kei uhleh na bawl uh mawhnate hangin ka hehna mei bangin hong kuangkhia ding a, a phelhzo kuamah om lo ding hi,” a ci hi.

Tedim Bible Revision 2017

⁴ Judah mite le Jerusalem khua mite aw, Topaʼ thu zui unla, lungsim takpi tawh zui un. Na tua cih kei uh leh na bawl uh mawhnate hangin ka hehna mei bangin hong kuang khia dinga, a phelh zo kuamah om lo ding hi,” a ci hi.

Jeremiah 4:4 Referans Kwoze

Thu-hilhkikna 10:16

Tua ahih ciangin Topa’ thu mang unla, lungkhauh nawn kei un.

Kolose 2:11

Amah tawh na kipawlna uh hangin mihingte in pumpi vun a at uh bang hi loin, Khrih’ vun-atna ahi mawhnopna lungsim tawh kipelhna a ngah khinta na hi uh hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hintheih nadingun, Topa na Pasian un note le na suanlekhakte uh tungah thu man’ nopna lungsim hong guan ding hi.

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uhah vun at lohpi ahi uh hi,” a ci hi.

Amos 5:6

Topa zong un; tua hileh na nungta ding uh hi. Amah na zon kei uhleh Josef mite tungah meikuang bangin amah hong kuang ding a, tua mei in Bethel-a om mite kangtumin, tua mei a phelh ding kuamah om lo ding hi.

Zefaniah 2:2

Ansi bangin hong kizapkhiat ma, Topa’ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

Ezekiel 20:33

“Kei pen a nungta Topa Pasian ka hih mah bangin, khut khauh tak le ka vangliatna le ka hehna tawh note kong ukgawp taktak ding hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A siansuah dingin kong hanciamciam hangin a nin mahin na omlai veve hi. Ka heh mahmahna na thuak khit matengin na siangkik ngei kei ding hi.

Kah la 4:11

Topa in a hehna khempeuh siit nawn loin hong buakhia a, meikuang tawh Jerusalem hong hal ahih manin a kangtum hi.

Ezekiel 24:8

Ka heh suakin a phu a kilak theih nadingin a manthan’ theih loh nading munah a sisante a tua ci-in ka omsak hi.

Ezekiel 16:38

Midangte tawh na mawhna hang le na mi thahna hangin thu kong khen ding a, ka hehna tawh sihna kong thuaksak ding hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amaute’ thungetna ka ngai kei ding hi,” a hong ci hi.

Ezekiel 6:12

A gamla a om mite cina-in si ding uh a, a nai-a omte gal sungah si ding uh hi. A omlai sunte gilkialin puksi ding uh hi. Amaute in keima hehna thuak ding uh hi.

Jeremiah 36:7

Topa’ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih mite’ tungah Topa in tunsak dingin a gensa a hehna le a thangpaihna lian mahmah hi,” ka ci hi.

Jeremiah 23:19

En un, Topa’ hehna huihpi hong nung hi. A hehna huihpi hong kinuai nainai-in hong paikhia ta a, migilo pa’ lutang hong kidenna ding hi.

Jeremiah 21:5

Kei mahmah in hehna le thangpaihna lianpi tawh ka khut zanin, a hat mahmah ka khut tawh note kong do ding hi.

Isaiah 51:17

Topa’ khutsung panin ama gimpiakna hai a dawn khin, hoina haipi a tawdat dongin a dawn khin Jerusalem aw, nangmah kisosuah tawm in. Nangmah kihanthawn tawm inla, dingtangto in.

Siampi Laibu 26:28

note ka hong heh ngawh bawl ding a, note’ khialhna hangin a zah sagih vei-in kong thuhilh ding hi.

Ezekiel 21:17

Kei zong ka khut ka beeng ding a, tua ciangin ka hehna dam ding hi. Topa ahi keimah in hih thu kong gen khin hi,” a hong ci hi.

Ezekiel 18:31

Na gamtatnasa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Thu-hilhkikna 32:22

Bang hang hiam cih leh ka hehna in mei tawhkuang a, Leinuaite’ gamdong a kuang hi. Leitung le a tunga piangte kangtum a, mualte’ bulpite kuangsak hi.

ROM (Romans) 2:25

Thukham zui le-uhcin na vun atna uh man nei takpi mah hi. Ahi zongin thukham na zuih kei uhleh na vun atna uh a mawkna a suak ahi hi.

Isaiah 10:17

Israel-te’ khuavak pen mei suakin, Israel-te’ Siangtho Pa pen meikuang suak ding hi. Ni khat sungin ama lingkungte le lingte kangin beitum ding hi.

Isaiah 30:33

Assiria kumpipa a kihalna ding mei phualpi mun, sawtpekin kibawl khinzo hi. Kumpipa a dingin a baihsa-in kikoih a, a mi halna pen lianin kisangsak a, sing a sangpi-in vum venvan hi. Topa in kaat kuang hu sangkhia ding a, tua mei phualpi tawhkuang ding hi.

Jeremiah 9:25

Topa in, “Vun ki-at hinapi-in vun ki-at mite’ gamtat bangin a gamta lote gimpiak hun hong tung ding hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuakzo nawn lo hi. Tua ahih manin tuni mahmahin zong na gam uh gamlak suakkhin a, mite’ kihamsiatna suakin kuamah teng nawn lo hi.

Ezekiel 44:7

Keimah biakna-in sathaute le sasite nong piak uh ciangin, keima thu a mang lo, vun a ki-at lo gamdang mite a sungah na lutsak uh a, ka biakinn na ninsak uh hi. Tua bangin a muhdahhuai na gamtatnate uh tawh ka thuciamna na siasak uh hi.

2 KHANG TANGTHU NIHNATE 34:25

Amaute in amau’ gamtatna tawh kei hong hehsak theih nadingun amaute in kei hong nusia-in pasian dangte tungah paknamtui hal uh ahih manin hih mun tungah ka hehna kisungin dai lo ding hi.

Jeremiah 15:14

Na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna mei bangin kitawhkuang a, a mit nawn kei ding hi,” a hong ci hi.