Jeremiah 4:31 - Tedim Bible

³¹ Nau a suak ding numei a kiko bang khat ka za a, tacil a suak numei’ tauna tawh kibang hi. Zion’ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Tedim Bible Revision 2017

³¹ Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Jeremiah 4:31 Referans Kwoze

Kah la 1:17

Hong huh un, ci-in ka khut ka vanvan hangin kuamah in a hong huh nuam kei hi. Topa in mun khempeuh panin galte hong paisak a, amaute in a kihhuai na khat bangin kei a hong gimneih uh hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

Jeremiah 13:21

Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

1 KORIN MASA 9:16

Lungdamna thu ka hilh hangin kisialh nading thu bangmah om lo hi. Bang hang hiam cih leh tua thu a hilh ding mahin a hong kisawl ahi hi. Tua ahih manin lungdamna thu hilh kei leng kei a dingin a dahhuai mahmah ahi hi.

Mattiu 21:5

Tua a genna-ah, “En un, na kumpipa uh hong pai hi. Kiniamkhiatna tawh lapi tung le lano tungah tuangin hong pai hi, ci-in Zion khuamite kiangah gen un,” a ci hi.

Micah 7:1

Kei a kamsia hi’ng! Singgah le leenggah a heu hun laitakin a gilkial mipa tawh ka kibang hi. Leenggah nek ding om nawn lo a, ka lunggulhgulh theigah beita hi.

Hosea 13:13

Israel mite, naungek bangin a suahkhiat hun tung napi-in, a hailuat manun suakkhia loin a nu uh sung mahah omom lai uh hi.

Kah la 2:21

Khangno le khanghamte kongzing tengah si uh hi. Galte in nungak le tangvalte namsau tawh a thatlum uh hi. Amaute hehpih loin na heh ni-in na thatlumsak hi.

Kah la 1:20

Topa aw, ka thuaknate, ka lunggimnate hong en in. Ka mawhna hangin dah mahmah ka hih manin ka lungsim a kitam hi. Kongzing lakah kithahna om a, inn sungah zong sihna mah a om hi.

Jeremiah 50:43

Babylon kumpipa in tua thu za khinzo a, bangmah a cih thei kei hi. Lungkhamin lumcip a, nupi nausuak ding bangin na a sa hi.

Jeremiah 49:24

Damaskas khuamite thazaw mahmah uh a, a taimang dingin a kithawi uh hi. Lungkhamna, dahna, le launa in amaute lencip a, nupi nausuak ding bangin a om uh hi.

Jeremiah 49:22

En un, muvanlai bangin manlang takin galte hong leengin Bozrah khua a sim dingin tua khua tungah a kha hong zal ding uh hi. Tua ni ciangin Edom galkapte pen nupi nausuak dingte bangin a lau ding uh hi,” a ci hi.

Jeremiah 48:41

A khuapite kila-in a kulhpite zong kila ding hi. Tua ni ciangin Moab galkapte nupi nausuak ding bangin a lau ding uh hi.

Jeremiah 45:2

“Baruk aw, Topa, Israel mite’ Pasian in nang hong hopih hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahihleh bang hangin pasal khempeuh in numei nausuak dingte bangin a tai uh hum ahi uh hiam? Bang hangin a mai uhah si teng lo ahi hiam?

Jeremiah 22:23

Lebanon gam panin a kila taamtak inn sungah nuamtakin na teng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithatlum sak in.

Jeremiah 15:18

Bang hangin ka natna dai thei lo a, ka liamna dam thei lo a, dam nuam het lo ahi hiam? Tui a kang lui tawh kibangin lungkiatna hong thuaksak ding na hi hiam, ka ci hi.

Jeremiah 14:18

Lolai-ah paikhia leng, namsau tawh a kithat mi bekbek ka mu a, khuapi sungah lut leng, kialin a puksite bekbek ka mu hi. Kamsangte le siampite in koi-ah pai ding cih thei lopi-in gam sungah an ngenin a vak kawikawi uh hi,’ ci-in va gen in,” hong ci hi.

Jeremiah 10:19

Ka thuakna hangin ka gim a, ka liamna nasia mahmah hi. Ahih hangin, “Hih gimna ka thuak ding mah hi,” ka ci hi.

Jeremiah 6:2

A melhoih, a ngeek dikdek Zion tanu ka susia ding hi.

Isaiah 42:14

Pasian in hih bangin ci hi: “Sauveipi sung bangmah hih loin ka om a, keimah le keimah kikhamcipin ka om hithiat hi. Tu-in ahihleh numei nausuak ding bangin ka kikokhia ding a, ka kam ka-in ka tungnak ding hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Isaiah 13:8

Amaute in gim mahmahna le nat velvalna thuak ding uh a, numei nausuak ding bangin na sa ding uh hi. Amaute khatlekhat lamdang sakna tawh ki-en ding uh a, a maitangte un gimna mel pua ding hi.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kama ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka tengkha hi. Vanglian Topa, Kumpipa ka mukha khinta hi,” ka ci hi.

Late 120:5

Note lakah ka omkhak pen Meshek gam sungah tenkhak sangin haksazaw a, Kedar mite lakah tenkhak sangin siahuaizaw hi.

JOB (Job) 10:1

“Ka nuntakna ka cimtak mahmah ta hi. Ka dahna thu ka ut utin ka gen ding a, ka lungkham manin ka paupau ding hi.

Piancilna 27:46

Tua ciangin Rebekah in Isaac kiangah, “Esau’ zi Hit numeite’ hangin ka lung gimin ka cimtak hi. Jakob in hih gam numeite khat ahi Hit numeite khat tenpih leh kei a dingin bang nuntak tham nawn ding ahi hiam?” a ci hi.

Isaiah 26:17

Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi.

Micah 4:9

Bang hangin tu-in nakpitakin kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

Micah 4:10

Jerusalem khuamite aw, numei nausuak ding bangin na tha uh san un. Tu-in kumpi khuapi nusia-in, gam sung khua-ah a teng ding na hita uh a, Babylon khuapi a zuan ta ding na hi uh hi. Ahi zongin tua lai panin note hong kihonkhia-in, na galte uh khutsung panin Topa in hong khahkhia ding hi.