Jeremiah 4:28 - Tedim Bible

²⁸ Tua thu hangin leitung kap ding a, vantung mial ding hi. Bang hang hiam cih leh ka gensa, ka khensatsa hi a, ka kisik loh bangin ka lungsim zong ka kheelkik kei ding hi,” a ci hi.

Tedim Bible Revision 2017

²⁸ Tua thu hangin leitung kap dinga, vantung mial ding hi. Bang hang hiam cih leh ka gen sa, ka khensat sa hi a, ka kisik loh bangin ka lungsim zong ka kheelkik kei ding hi,” a ci hi.

Jeremiah 4:28 Referans Kwoze

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Hosea 4:3

Tua ahih ciangin leitang keugaw-in a tunga teng khempeuh si ding a, leitung a om gamsa khempeuh le huihlaka leeng vasa khempeuh tawh si mang ding uh a, tuipi sunga om ngasate nangawn si mang ding hi.

Jeremiah 12:4

Ka gam sung bang tanvei keucip ding ahi hiam? Mun khempeuhah lopate bang tanvei vulcip ding ahi hiam? A teng mite’ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Isaiah 50:3

Vantungte khuamial ka silhsak a, amau’ kituam nadingin puanhampi ka bawl hi,” a ci hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Mangmuhna 6:12

Ciamtehna gukna a hon ciangin ka khuadak le nakpitakin zin hong ling a, ni pen puanvom bangin hong vomin, kha pen sisan bangin a hong san hi.

Hebru 7:21

Ahi zongin Pasian in Jesuh kiangah, “Topa in a lungsim a kheel loh nading limtakin kiciam khin a, ‘Nang, tawntung siampi na hi hi,’” na ci ahih manin kiciamna tawh Jesuh siampi a na suak ahi hi.

Efesa 1:11

Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.

Efesa 1:9

Pasian in a pilna le a thumuhnate zangin ama geelsa bangin hong sem a, Khrih zangin a sepnop thusimteng eite tungah hong kilangsak hi.

Luka 23:44

Tua hun laitak pen sunkim nai sawm le nih pawl hi a, ni mial ahih manin nitak lam nai thum ciang dong leitung khempeuhah khua mial a,

Marka 15:33

Tua ciangin sunkim nai sawm le nih laitak a kipanin nai thum sung leitung khempeuhah khim a zing hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuhah khim a zing hi.

Joel 1:10

Lo ante kisusia a, leengguite keutum hi. Oliv kungte keugaw a, lolai-ah bangmah om nawn lo ahih manin leitang lungzuangin a thum hi.

Hosea 13:14

Leinuai-a misite’ omna-ah a pai nading uh panin honin, sih nading panin suaktasak ding ka hi hiam? Sihna aw, gimna na piakna-ah amaute ka hehpih kei hi. Leinuai-a misite’ gam aw, na suksiatna-ah amaute ka khasiat kei hi.

Ezekiel 24:14

Topa ahi keimah in thu ka gen khin hi. Tu-in ka gamtat hun ding hong tungta hi. Kong kiphawkmawh bawl nawn kei ding a, ki-ip nawn loin, zong kong khasiat ngaihsut kei ding hi. Na gamtatna bangin gim hong kipia ding hi, Topa Pasian in ci hi,” a hong ci hi.

Jeremiah 30:24

A lungsim sunga a tupna teng a tangtunsak matengin, Topa’ hehna a lauhuaipi kilehkik lo ding hi. Hong pai ding hunte-ah note in na telzaw semsem ding uh hi.

Jeremiah 23:20

A lungsim sunga a tupna teng a tangtunsak matengin Topa’ hehna damkik lo ding hi. Hong pai lai ding hunte-ah note in siangtakin na telzaw semsem ding uh hi.

Jeremiah 23:10

Bang hang hiam cih leh mun khempeuhah angkawmte a dim hi. Topa’ hamsiatna hangin gam sung tengah kahna dim a, gamlak lonona munte a keu mang hi. Amaute gamtatsia uh a, a vangliatna uh a man lopi-in a zang uh hi.

Jeremiah 14:2

“Judah gam kap a, a khuapite maimang dekdek hi. A mite in puan vom khu-in leilakah bok uh a, Jerusalem khua-a om mite’ kahna aw ging hi.

Jeremiah 12:11

Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Jeremiah 7:16

“Jeremiah aw, hih mite a dingin thu ngetsak kei in. Amau a dingin kapin kei’ tungah hong thumsak kei in. Bang hang hiam cih leh nong thumna kong ngai kei ding hi.

Isaiah 34:4

Vantunga a om khempeuh muatmang ding a, laidal bangin vantungte kizial ding hi. Leenggui panin a tehte pulhin, theikung panin a tehte a pulh bangin aksi hon khempeuh pulh ding uh hi.

Isaiah 24:4

Leitung vulin keugaw a, leitung buppi thaneemin vulgawp hi. Vantung le leitung a nih tuakin vulkhawm hi.

1 SAMUEL MASA 15:29

Israel-te’ minthang Pasian in zong zuau gen lo ding a, zong kisik lo ding hi; bang hang hiam cih leh a kisik dingin amah mi hi lo hi,” a ci hi.

Jeremiah 51:12

Babylon khuakulhpi tungah dial khai unla, galvil ding tampi koih un. Cingsak unla, galte a buksim dingin kithawi un. Bang hang hiam cih leh Babylon khua mite tawh kisai-in Topa in a gensa teng a geel khinzo a, a sem khinzo hi.

Kah la 2:17

Topa in a sehsa bangin a tawpkhakna-ah a hong bawl hi. Sauveipi lai-in a hong hilhkholhna bangin hong hehpih nawn loin a hong susia hi. Galte gualzo a, ei hong guallelsak a, amaute a lungdamsak hi.

Zekhariah 8:14

“Na pu na pate un kei hong hehsak ciangin amaute tungah siatna tunsak ding ka ngaihsun a, ka lungsim ka khiam het kei hi.