Jeremiah 4:27 - Tedim Bible

²⁷ Bang hang hiam cih leh Topa in, “Gam buppi, gamlak suak ding a, ahih hangin ka susia sam kei ding hi.

Tedim Bible Revision 2017

²⁷ Bang hang hiam cih leh Topa in, “Gam buppi, gamlak suak dinga, ahih hangin ka susia sam kei ding hi.

Jeremiah 4:27 Referans Kwoze

Jeremiah 46:28

Topa in kong cihin-ah, ka nasem Jakob’ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin ding a, ahih hangin note kong susia khin kei ding hi. A kilawm zahin kong thuhilh ding a, gim pia loin kong mawk koih kei ding hi,” a hong ci hi.

Jeremiah 5:18

“Ahih hangin tua bang hun ciang nangawnin, Topa in kong cihin-ah, note kong sumaimang khin sam kei ding hi.

Jeremiah 5:10

A gualin a kisuan a leenggah huan sungah pai inla, suksiat sak in; ahi zongin sukmai mangsak sam kei in. A hiangte heuhkhiatsak in; bang hang hiam cih leh tua a hiangte Topa a’ hi lo hi.

Jeremiah 30:11

Bang hang hiam cih leh Topa in kong cihin-ah, a hong honkhia dingin note kong ompih hi. Note ka hong thehthangna gamte khempeuh ka susia ding a, ahih hangin note kong susia kei ding hi. A kilawm zahin kong thuhilh ding a, gim pia loin kong mawk nusiat kei ding hi.

Ezekiel 11:13

Tua bangin thu genin ka om laitakin Benaiah’ tapa Pelatiah hong dinsih hi. Kei zong leilakah boksukin ka kiko a, “Topa Pasian aw, Israel gam sungah a omlai mi khempeuh thah khit sawm na hi hiam?” ka ci hi.

Siampi Laibu 26:44

Bangbang ahi zongin, a galte uh gam sungah amaute a om sungteng uh keimah in amaute nilkhia loin, amaute a susia maimang zah ding le amaute tawh ka thuciamna a pelhzah dingin amaute ka mudah kei ding hi; bang hang hiam cih leh kei pen Topa amau’ Pasian ka hi hi.

Ezekiel 33:28

Gam sung khempeuh gamkhing ka suaksak ding a, amaute’ kisaktheihpih vangliatna teng bei ding hi. Israel mualtungte gamkhing suak ding ahih manin kuamah in kantan ngam lo ding uh hi.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam sehnel gam pan a kipanin leilu lam Riblah khuapi dongin, Israel mite’ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in hong thei ding uh hi,” a hong ci hi.

Jeremiah 18:16

Amaute’ gam pen a mulkimhuai le simmawhna tawh a kiphitsan den ding gam a suaksak uh hi. Tua gam a kantan khempeuh mulkim mahmah uh a, lamdangsa-in a lu uh a pei uh hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zinei thakte le mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Jeremiah 4:7

Humpinelkai khat a bukna sawlkawm panin hong kuankhiazo a, gamte a susia ding pa hong paikhiazo hi. Na gam uh a kisiasak ding le na khuapite uhah kuamah a ten loh nadingin a susia dingin ama omna panin hong kuankhia khinzo hi.

Isaiah 24:1

En un, Topa in leitung hawmsuak sakin gamkhing suaksak ding a, amah in lei maitang huiheek gawpin, a tunga a teng mite thehthang gawp ding hi.

2 KHANG TANGTHU NIHNATE 36:21

Tua sungin Israel leitang in a sabbath-te a kicingin na tang hi. Kamsang Jeremiah tungtawnin Topa’ thugen a tun nadingin kum sawmsagih a cin nadingin leitang a kinusiat sung khempeuh leitang in sabbath tawlngakna a nei ahi hi.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh dikna le hehpihna a nei na hi hi.

Jeremiah 4:20

Siatna khat khit ciangin adang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikekgawp hi.

Jeremiah 9:11

“Jerusalem khuapi ninkholna ka bangsak ding a, se-alte’ tenna mun ka suaksak ding hi. Judah gam khuapite gamlak ka suaksak ding a, kuamah teng nawn lo ding hi,” a ci hi.

Jeremiah 25:11

Gam sung khempeuh kisia-in, gam simtham suak ding a, hih mite khempeuh kum sawmsagih sung Babylon kumpipa’ salin a om ding uh hi.

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tuni-a na muh uh bangin tuate kisia-in gamlak suak khinta hi.

Ezekiel 20:17

“Ahi zongin amaute ka khasiat a, gamlakah amaute ka susia kei a, ka maimangsak kei hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak ding a, nomau’ hong biakna a gim namtuite ka diik kei ding hi.

Isaiah 17:6

Oliv kung a kisin’ khit ciangin a hiang sangpen dawnah pum nih pum thum singkung hiang dawnah pum li pum nga a omlai tawh kibang lel ding hi, Israel-te’ Topa Pasian in ci hi.

Kah la 2:7

Topa in a siangtho biakinnpi le a biakna tau deih nawn lo a, biakinn kulhpi, galte a susiasak hi. Lungdamna tawh amah i biakna munah, amaute gualzo-in a kiko uh hi.

Zefaniah 1:18

Topa’ heh thuk ni hong tun ciangin a ngun le a khamte un amaute honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitung a teng mi khempeuh a sumai ding hi.