Jeremiah 4:22 - Tedim Bible

²² Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Tedim Bible Revision 2017

²² Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Jeremiah 4:22 Referans Kwoze

1 KORIN MASA 14:20

Sanggamte aw, na thu ngaihsutnate uhah naupang bang kei un. Gitlohna lamah naupang bang unla, ahi zongin thu ngaihsutna-ah a khangham hi ta un.

ROM (Romans) 16:19

Lungdamna thu tawh kisai-ah na cihtakna uh mi khempeuh in thei ahih manin hih thu-ah kong lungdampih mahmah hi. A hoih bang hiam, ci-in theih nading pilna nei-in, a sia peuhmah tawh na kizopkhak hetloh nading uh kong deihsak hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

ROM (Romans) 3:11

a man a thei kuamah om lo a, Pasian tawh kipawl ding a hanciam kuamah om lo hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawknuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

ROM (Romans) 1:22

Amaute pil a kisak mahmah uh hangin a hai mahmah uh ahi hi.

Hosea 5:4

Amaute’ gamtatna in a Pasian kiang uh zuansak thei lo hi. Amaute in nakpitakin milim biaknopna lungsim nei uh ahih manin Topa phawk kha lo uh hi.

Johan 16:3

Amaute in ka Pa ahi a, kei ahi zongin hong thei lo uh ahih manin tu-a bangin note a hong bawl ding uh ahi hi.

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hihtheih ding hun a ngah phetun, a ngaihsutsa uh gitlohna a semkhia uh hi.

Thu-hilhkikna 32:28

“Bang hang hiam cih leh amaute, ngaihsutna a nei lo minam hi a, amaute’ sungah thu theihtelna om lo hi.

ROM (Romans) 1:28

Mite in a man ahi Pasian’ thu ngaihsutin nei nuam lo uh ahih manin amaute’ ngaihsut hoih lo bangin a gamtat theih nadingun Pasian in a khahkhia hi. Tua ahih manin a gamtat dingun a kilawm lopipi-in a gamta uh hi.

Jeremiah 13:23

Ethiopia mivomte in a vun uh khek thei a, kamkei in a gial khek thei ahi hiam? A khek theih uhleh siatna bawl ding a zongsang khin note in zong a hoih na bawl thei ding uh hi.

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsak pa in amaute tungah maipha lak lo ding hi.

Jeremiah 10:8

A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Isaiah 1:3

Bawng in amah a nei pa thei a, la in zong a topa’ an piakna mun thei buang hi. Ahih hangin Israel in bangmah thei lo a, keima mite in thei thei lo uh hi,” a ci hi.

Jeremiah 5:4

Tua ciangin keimah in, “Hih mite mihai hi a, a hehpihhuai ahi hi. Topa’ lampi thei lo uh a, amau’ Pasian’ deihna a thei kei uh hi.

Luka 16:8

A diktat lo nasempa pen ama ngiansiamna hangin a topa in a pakta hi. Bang hang hiam cih leh Pasian thu a zui mite sangin leitung mihingte pen a nasepna uhah ngiansiam zaw uh hi.

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah pen, note a hong piangsak, note hong bawlin a hong kipsak, na pa uh hi lo ahi hiam?

2 SAMUEL NIHNA 13:3

Ahih hangin Ammon in David’ sanggampa Shimeah’ tapa Jonadab min nei lawmpa khat nei a, Jonadab pen mi tei mahmah khat ahi hi.

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

Late 53:4

Pasian tungah thu a ngen lo, an nek bangin ka mite a netum, siatna a bawlte in thu theihtelna nei lo ahi hiam?

Late 82:5

Amaute in thutheihna ahi a, thutelna ahi zongin bangmah nei lo uh a, khuamial sungah gamta uh ahih manin leitung bulpite khempeuh a kilinggawp hi.

Jeremiah 2:8

Siampite in, ‘Topa koi-ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

Jeremiah 4:21

Bang tanvei galkisimna mu lai ding ka hi hiam? Bang tanvei peengkul aw za lai ding ka hi hiam?

Jeremiah 9:3

A leii uh thalpeu bangin zang uh a, zuauthu bekbek a lawn khiakhia uh hi. Gam sungah thuman om loin zuauthu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Ezekiel 16:30

“Topa Pasian in hih bangin ci hi: A bangci lawmlawm na hi hiam? Zumna mel thei loin hih bangin na paktat hi.

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, mi’ na a suh uh vante tawh a inn lianpipite uh kidimsak uh hi.

Piancilna 39:16

Tua ciangin Josef’ topa inn-ah hong ciah mateng amah in a kiangah a puan koih hi.

Late 36:4

A lupna tungah lumin siat gamtat ding a ngaihsun hi. Hoih lohna lamah amah kibulhtawm a, amah in siatna nolh lo hi.

Paunak 28:5

Mi siahuaite in thutang cihmel thei lo uh a, Topa a biate in ahihleh a kicingin a thei uh hi.

Jeremiah 9:2

Sehnel gamlakah khawlna ding bukno khat nei thei-in ka mite nusia-in a taisan thei hi leng ka ut hi. A vekpi-un angkawm hat hi khin uh a, thuman lo kim uh hi.

Jeremiah 9:5

Mi khempeuh in a vengte uh khem ciat uh a, thuman gen kuamah om lo hi. A leii uh zuauthu gen dingin kisinsak uh a, mawhna a bawl manun tawllua uh a, kisikzo nawn lo uh hi.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.