Jeremiah 4:21 - Tedim Bible

²¹ Bang tanvei galkisimna mu lai ding ka hi hiam? Bang tanvei peengkul aw za lai ding ka hi hiam?

Tedim Bible Revision 2017

²¹ Bang tanvei gal kisimna mu lai ding ka hi hiam? Bang tanvei peengkul aw za lai ding ka hi hiam?

Jeremiah 4:21 Referans Kwoze

Jeremiah 6:1

Benjamin’ suante aw, na suahtak nadingun tai un. Jerusalem khua taisan un. Tekoa khua-ah peengkul tum unla, Bethlehem khua-ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

2 KHANG TANGTHU NIHNATE 36:17

Tua ahih ciangin Topa in Khaldea mite’ kumpipa amaute’ langkhatah paipih a, tua kumpipa in amau’ Pasian’ biakinn sung nangawnah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

2 KHANG TANGTHU NIHNATE 36:10

Tua kum khuakhal sungin Kumpi Nebukhadnezzar in mi sawlin Topa’ biakinn-a umlebeel manphate tawh amah Babylon-ah lasak a, Judah le Jerusalem tungah Jehoiakhin’ sanggampa Zedekiah kumpi-in a koih hi.

2 KHANG TANGTHU NIHNATE 36:3

Tua ciangin Egypt kumpipa in Jerusalem-ah amah zakiasak a, siah ngun talen zakhat le kham talen khat, tua gam kipiasak hi.

2 KHANG TANGTHU NIHNATE 35:25

Jeremiah in zong Josiah’ hangin kah la a phuak hi. Numei lasate le pasal lasate khempeuh in tuni dongin amau’ kahna-ah Josiah tamlawh uh hi. Amaute in Israel sungah hih thu biakna ngeina kipin a bawl uh hi. Kah la sungah tuate kikhum hi.

Jeremiah 4:20

Siatna khat khit ciangin adang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikekgawp hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Jeremiah 42:14

Gal om lohna, peengkul kitum lohna, anduh gilkial lohna Egypt gamah pai-in tua lai-ah ka teng ding uh hi,’ na cih uhleh