Jeremiah 4:13 - Tedim Bible

¹³ En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Tedim Bible Revision 2017

¹³ En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Jeremiah 4:13 Referans Kwoze

Isaiah 19:1

Egypt tawh kisai thu hih bangin gen hi: A manlang mahmah meii tungah Topa tuangin Egypt gamah a pai hi. Ama mai-ah Egypt gam milimte lau-in ling ding uh a, Egypt mite’ hanna beita ding hi.

Isaiah 66:15

Bang hang hiam cih leh heh mahmahna tawh ama sinsona le meikuang tawh gim a pia dingin meikuang sungah Topa hong pai ding a, huihpi bangin a leengte hong pai ding hi.

Habakkuk 1:8

“A sakolte uh kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin a galte a leenlak uh hi.

Kah la 4:19

Mu ak bawh sangin a manlang zaw-in amaute in a hong delh uh hi. Amaute in mualtung panin hong delhsuk uh a, theihkholh lohin a hong man khin uh hi.

Isaiah 5:28

Amau’ thaltangte hiam a, a thal khempeuh uh a kikeeksa ahi hi. Amau’ sakolte’ khecinte meisuang bangin sak a, a leengpeite uh pingpei bangin manlang hi.

Nahum 1:3

Topa lungduai mahmah a, a vang zong lian mahmah a, ahih hangin mimawhte khahkhong ngei lo hi. A paina peuhpeuhah huihpi nungin pingpei kipei a, ama paina hanga leivui leeng meiipi kai tawh kibang hi.

Isaiah 13:5

Leitung buppi a susia dingin Topa le ama hehna galhiamte gamlapi van mong panin hong pai hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amau’ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, note’ langkhatah hong paipih ding a,

Jeremiah 4:31

Nau a suak ding numei a kiko bang khat ka za a, tacil a suak numei’ tauna tawh kibang hi. Zion’ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Mangmuhna 1:7

En un, amah hong paita ding a, meiipi tawh hong tonkhawm ding hi. Teipi tawh amah a sunte a kipan mi khempeuh in a mu ding uh hi. Amah a hong pai ciangin leitung mi khempeuh lau-in a kap ding uh hi. Hih ka gen bangin hong piang takpi ding hi. Amen.

Mattiu 24:30

Tua ciangin Mihing Tapa’ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Daniel 7:4

A masa pen humpinelkai tawh kibang a, ahi zongin muvanlai kha tawh a kibang kha a nei hi. Ka et laitakin a kha tegel a hong kibotkhia hi. Leitung panin tua ganhing kidomkaang to-in, mihing bangin a khe nihin kidingsak a, mihing lungsim ama tungah a kipia hi.

Jeremiah 10:19

Ka thuakna hangin ka gim a, ka liamna nasia mahmah hi. Ahih hangin, “Hih gimna ka thuak ding mah hi,” ka ci hi.

2 SAMUEL NIHNA 1:23

“Saul le Jonathan, ki-it uh a, it-huai uh! A sih a hinin amaute kikhen lo a, muvanlai sangin zaptel zaw uh a, humpinelkai sangin thahat zaw uh hi.

Isaiah 3:8

Bang hang hiam cih leh amaute khempeuh le amau’ gamtatnate in Topa langpangin amah dem uh ahih manin Jerusalem khua kipukin Judah gam kia hi.

Jeremiah 4:12

Ka sawl huih pen tua bang dingin hat lua ding hi. Tu-in Topa in amaute tungah thu khenin a gen hi,” kici ding hi.

Jeremiah 9:19

Zion khua panin a kiza kahna awging in, “I kisia khinzo a, i zumhuai mahmah khinzo hi. Bang hang hiam cih leh amaute in i innte hong suksiatsak uh ahih manin i gam i nusia ding hi,” a ci uh hi.

Jeremiah 49:22

En un, muvanlai bangin manlang takin galte hong leengin Bozrah khua a sim dingin tua khua tungah a kha hong zal ding uh hi. Tua ni ciangin Edom galkapte pen nupi nausuak dingte bangin a lau ding uh hi,” a ci hi.

Ezekiel 26:10

A sakolte uh a paina leivui khute in khuapi tuamcip ding hi. Van pua leeng le leeng galkapte’ ginna in khuapi kulhte cimsak ding a, a kisusiasa kulhkongpi-a pai bangin hong lut lel ding uh hi.

Ezekiel 38:9

Nang le na galkap honpite le nang hong pawlpih minam tampite in khuapi huih bangin na simgawp ding uh a, meiipi bangin a gam sung khempeuh na tuamcip ding uh hi.

Daniel 11:40

“Syria kumpipa’ hun a bei dektak ciangin, Egypt kumpipa in amah a sim ding hi. Syria kumpipa in a thaneihteng siit loin tuikhang bangin sakol tawh, sakol galkapte tawh, teembaw tampi tawh Egypt a do ding hi.

Micah 2:4

Tua bang hun hong tun ciangin mite in note’ gim ngahna thugentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei a hong mante tungah hong piaksak hi,” ci ding uh hi.

Jeremiah 6:23

Thal le teipi tawi uh a, gilo mahmah uh a, hehpihna lungsim nei loin a husa uh tuipi ging tawh kibang hi. Jerusalem aw, sakol tungah amaute tuangin, nangmah a hong sim dingin a kithawi uh hi,” a ci hi.

Jeremiah 46:18

Vanglian Topa keimah Kumpipa ka hi hi. Taber mual, mual khempeuh sangin sangzaw-in, Karmel mual, tuipi tungah sangpi-in a dawktoh bangin, no hong sim pa’ thahatna a lian mahmah ding hi.

Jeremiah 48:40

Topa in kong cihin-ah: En in, muvanlai leeng bangin manlang takin gam khat hong leeng ding a, Moab gam a sim dingin a kha hong zal ding hi.

Zekhariah 6:1

Tua ciangin maang adang khat ka mu leuleu hi. Sumngo mual nih kikal panin sakolleeng li hong paikhia ka mu hi.