Jeremiah 38:3 - Tedim Bible

³ Topa in hong cihin-ah, Babylon kumpipa’ khut sungah hih khuapi kipia taktak ding a, a kila ta ding ahi hi,” ka ci hi.

Tedim Bible Revision 2017

³ Topa in hong cih in ah, Babylon kumpipaʼ khut sungah hih khuapi kipia taktak dinga, a kila ta ding ahi hi,” ka ci hi.

Jeremiah 38:3 Referans Kwoze

Jeremiah 21:10

Bang hang hiam cih leh Topa in kong cihin-ah, hih khuapi hoihna ding hi lo, a siatna dingin ka lungsim ka khensat khinzo hi. Babylon kumpipa’ khut sungah ka pia ding a, amah in mei tawh a hal ding hi,’ na ci ding hi.

Jeremiah 21:4

“Zedekiah kiangah hih bangin na genkik un, ‘Topa, Israel mite’ Pasian in a genin-ah: En un, khuakulhpi pualamah a hong umcih Babylon kumpipa le Khaldea mite na dona uh ahi, na khutsung uha na kep na galhiamte uh bangmahin a kimang lo ka suaksak ding a, amaute khempeuh hih khuapi laizangah kong paipih ding hi.

Jeremiah 29:16

David kumpi tokhom tunga tu kumpipa le hih khuapi sunga om, note tawh saltang dingin a paikhawm lo na behte khempeuh uh tawh kisai-in Topa in kong genin-ah:

Jeremiah 38:18

Ahih hangin Babylon kumpipa’ uliante na belh kei leh Babylon kumpipa’ khut sungah hih khuapi kipia ding a, amau in mei tawh halin amaute’ khutsung pan na suakta kei ding hi,” ka ci hi.

Jeremiah 21:9

Hih khuapi sunga om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahi zongin pusuak khia-in note a hong sim Khaldea mite kiangah a lut peuhmah suakta liailiai ding uh hi.

Jeremiah 37:8

Tua ciangin Babylon-te hong kileh kikin hih khuapi hong sim ding uh a, khuapi la-in mei tawh a hal ding uh hi.