Jeremiah 38:13 - Tedim Bible

¹³ Tua ciangin amaute in tuikhuk sung panin khau tawh kei a hong kaikhiato uh hi. Ahi zongin thong huangsung mahah ka omlai hi.

Tedim Bible Revision 2017

¹³ Tua ciangin amaute in tuikhuk sung panin khau tawh kei a hong kai khiato uh hi. Ahi zongin thong huang sung mahah ka om lai hi.

Jeremiah 38:13 Referans Kwoze

Jeremiah 37:21

Tua ahih manin kumpipa Zedekiah in kumpi thonginn sungah ka kiat zawkna ding thu pia a, khuasunga anlum a bei matengin anlum sai panin nisimin anlum khat ta hong piasak den hi. Tua ahih manin kumpipa’ thong sungah a om ka suak hi.

Sawltak 28:30

Paul kum nih sung ama saptawm inn sungah amah bekin om a, ama kiangah a hawh khempeuh tawh thu a kikum hi.

Sawltak 28:16

Rom khua ka tun khit uh ciangin Paul pen ama ututna-ah a om theih nadingin thu kipia a, a taikhak loh nadingin galkap khat bek kicingsak hi.

Sawltak 23:35

“Na langte hong tun ciangin thu kong sit ding hi,” ci-in a gen khit ciangin, Herod in a lam inn sungah Paul koihin a cin nadingun thu a pia hi.

Jeremiah 38:28

Tua hi a, Jerusalem khua a kilak ciang dong kei zong thong huangsung mahah ka omlai hi.

Jeremiah 38:6

Tua ciangin amaute in kei hong man uh a, thong huang sunga om kumpipa’ tapa Malkhiah’ tuikhuk sungah khau tawh hong khiasuk uh hi. Tuikhuk sungah tui om loin buan bek om a, buan sungah ka tumsuk hi.

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew mite’ pahtak ding ut ahih manin thong sungah Paul a omsak suak hi.

Nehemiah 3:25

le kulh kiu ciang khawk khat sung puah hi. Uzai’ tapa Palal in a Kiu gal san teng le kumpipa’ inn panin hong dawkkhia, zumcingte’ omna ahi tausang tungnung teng puah hi.

Jeremiah 26:16

Tua ciangin kumpi uliante le mi khempeuhte in siampite le kamsangte tungah, “Hih pa in eite’ Topa Pasian’ min tawh thu hong gen ahih manin thah ding kilawm lo hi,” a ci uh hi.

Jeremiah 32:2

Tua hun pen Babylon kumpipa’ galkapte in Jerusalem khua a sim laitak hi a, kamsangpa Jeremiah zong Judah kumpipa’ inn huang sunga thong sungah a kikhumcip laitak ahi hi.

Jeremiah 38:12

Tua ciangin Ethiopia mipa Ebedmelek in keima kiangah, “Na lenuai le khau kikalah puansiate dap in,” ci-in hong sawl hi. Kei zong tua mah bangin ka hih hi.

Piancilna 37:28

Tua ciangin Midian mi sumbawlte in hong nawk hi. Amaute in Josef kai to-in dum sung panin domkhia to uh a, Ishmael mite tungah ngun shekel sawmnihin amah zuak uh a, amaute in Egypt-ah Josef a paipih uh hi.

Paunak 29:10

Mi a that nuamte in a thuman mi mudah a, midikte in a thuman mi hu uh hi.

Kah la 3:58

“Topa aw, nangmah in na hong huh a, na hong nungtasak hi.