Jeremiah 37:7 - Tedim Bible

⁷ “Topa ahi Israel mite’ Pasian in kong cihin-ah: Kei’ tungah thu a hong dongsak Judah kumpipa kiangah hih bangin na va gen ding hi: ‘En in, nang hong huh dingin a hong pai Faro kumpipa’ galkapte a gam uhah ciahkik ding uh hi.

Tedim Bible Revision 2017

⁷ “Topa ahi Israel miteʼ Pasian in kong cih in ah: Keiʼ tungah thu a hong dongsak Judah kumpipa kiangah hih bangin na va gen ding hi: ‘En in, nang hong huh dingin a hong pai Faro kumpipaʼ galkapte a gam uh ah ciahkik ding uh hi.

Jeremiah 37:7 Referans Kwoze

Kah la 4:17

Huhna a ngenin ka khuadakdak uh a, khuadakzo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngenkha uh hi.

Ezekiel 17:17

Babylon mite in mi tampi a thah theih nadingun kan bawlin dum a tawh uh ciangin a thahat Faro’ galkap honpite nangawn in amah huh zo lo ding uh hi.

Jeremiah 37:3

Kumpi Zedekiah in Shelemiah’ tapa Jehukal le Maaseiah’ tapa siampipa Zefaniah keima kiangah hong sawl a, “Topa i Pasian’ kiangah kote a dingin thu hong ngetsak in,” ci-in a hong gensak hi.

Jeremiah 21:2

“Kote a dingin Topa’ kiangah thu hong dotsak in. Babylon kumpipa Nebukhadnezzar in a sim dingin hong umcih hi. Topa in a na lamdangte khat kei’ tungah hong zang leh amah kilehkiksak thei kha ding hi,” ci-in a dongsak hi.

2 KUMPI NIHNATE 22:18

Ahih hangin Topa’ tungah thu a dong dingin note a hong sawl Judah kumpipa tungah ahihleh note in hih bangin na gen ding uh hi. Israel Pasian, Topa in hih bangin ci hi: Nangmah in na zaksa thute tawh kisai-in,

Ezekiel 29:16

Israel mite in muan le suanin amaute neikik ngei nawn lo ding uh hi. Egypt-te a tuahsiat ciangin a suang khialkha ahih lamtak uh Israel mite in a phawk ding uh hi. Tua ciangin Topa Pasian ka hihna thu Israel mite in hong thei ding uh hi,” hong ci hi.

Jeremiah 2:36

Bang hangin na lungsim kheel ziauziau na hi hiam? Assiria in nang hong maizumsak ngei bangin Egypt-te in zong nang hong maizumsak ding uh hi.

Paunak 21:30

Mihingte’ pilna, a thutheihna le a thugente khempeuh, Topa’ deihna tawh a kituah kei leh a kimanna om lo hi.

Jeremiah 2:18

Tu-in Egypt gamah nang na pai manin bang phattuamna ngah ding na hi hiam? Nail gun tui a va dawn lel ding na hi hiam? Assiria gamah na pai manin bang phattuamna ngah ding na hi hiam? Eufratis gun tui a va dawn lel ding na hi hiam?

Jeremiah 2:37

Nangmah zong tua gam panin maizumna tawh na lu tungah vut khusa-in nong paikhia ding hi; bang hang hiam cih leh keimah Topa in na muan mite ka nialzo hi; amaute’ hangin na gualzo ngei kei ding hi.

Jeremiah 21:1

Zedekiah kumpipa in Malkhiah’ tapa Pashhur le Maaseiah’ tapa Zefaniah-te, Jeremiah kiangah sawl a,

Jeremiah 37:5

Tua hun laitak pen Babylon galkapte in Jerusalem khua a sim laitak uh hi a, tua hun laitak mahin Faro kumpipa’ galkapte, galsim dingin Egypt gam panin hong kuankhia hi, cih thu a zak uh ciangin Jerusalem khua panin a nungkik uh hi.

Jeremiah 37:6

Tua ciangin Topa in kei hong hopih a,

Kah la 1:7

Tu-in Jerusalem kisiazo ta a, nidanga a thupinate a nung phawkkik hi. Galte in a sim laitakin a huh ding khat beek a om kei hi. Guallel ahih manin a galte in a nuihsan uh hi.

Ezekiel 30:22

Tua ahih manin Topa Pasian ahi keima thugen in: Kei pen Egypt kumpipa Faro’ lang ka hi hi. A khut a damlai pen le a kitansa zong, a lang nihin ka kuaihtansak ding a, a khut panin namsau ka kiasak ding hi.

2 KUMPI NIHNATE 24:7

Tua ciangin Babylon kumpipa in Egypt lui panin Eufratis gun dong Egypt kumpipa’ neih khempeuh laksak khin ahih manin Egypt kumpipa a gam panin hong kuankhia kikzo nawn lo hi.

Isaiah 30:7

Bang hang hiam cih leh Egypt’ huhna bangmah man loin a hawmpi ahi hi. Tua ahih manin, “Taang loin a tu hithiat Egypt,” ci-in min ka phuah hi.

Isaiah 36:6

En un, ama tunga a kingam mipa’ khut a sun ding, a kikuaitansa pumpeeng ciangkhut tawh a kibang Egypt na suang uh hi. Amah a muang khempeuhte’ tungah Egypt kumpipa Faro, tua pumpeeng bang hi lel hi.