Jeremiah 37:2 - Tedim Bible

² Ahih hangin amahmah a kipan a nasemte le a gam sung mite in keima tung tawna Topa’ thugennate a ngai kei uh hi.

Tedim Bible Revision 2017

² Ahih hangin a mahmah a kipan a nasemte le a gam sung mite in keima tungtawn a Topaʼ thugennate a ngai kei uh hi.

Jeremiah 37:2 Referans Kwoze

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

Paunak 29:12

Kumpipa in zuauthu saangin na sem leh a nuai-a ulian khempeuh zong zuaugenin nitum ding uh hi.

Hosea 12:10

Kamsangte tungah thu ka gen hi. Maangmuhna a banbanin pia-in, kamsangte tungah thugentehna tawh thu a gen pa zong keimah ka hi hi.

Ezekiel 21:25

“A gilo, a siangtho lo, Israel gam uk migilo pa aw, nang’ hun zong hong tungta a, gim na tuah ding ni hita hi.

Paunak 26:6

Mihai khat kamtai-in a zang pa pen ama khe mah a sattantawm, siatna a zong pa ahi hi.

1 KUMPI MASATE 16:7

Tua tham loin Jeroboam innkuan bangin ama nasepna tawh hehsakin Topa’ muhna-ah a sia a gamtatna khempeuh hang le amah in Jeroboam le a innkuan a suksiatna hangin Hanani’ tapa kamsang Jehu’ tungtawnin Baasha le a innkuan langpangin Topa’ thu hong tung hi.

1 KUMPI MASATE 14:18

Tua ciangin a nasem kamsang Ahijah tungtawnin Topa’ thugenna tawh kizui-in Israel mi khempeuh in amah vui-in ama hangin a kap uh hi.

2 SAMUEL NIHNA 12:25

kamsang Nathan’ tungah thu puak hi. Topa’ itna hangin ama min Jedidiah a phuah ding a gen hi.

2 SAMUEL NIHNA 10:2

Tua ciangin David in, “Keima tungah a pa thuman takin hong gamtat bangin Nahash’ tapa Hanun’ tungah thuman takin ka gamta ding hi,” a ci hi. Tua ahih ciangin David in a pa’ hangin amah a hehnem dingin a nasemte a sawl hi. David’ nasemte Ammon mite’ gamah va tung uh hi.

Siampi Laibu 8:36

Tua ahih ciangin Aaron le a tapate in zong, Topa in Moses’ tungtawnin a thupiakte khempeuh a hih uh hi.

Paikhiatna 4:13

Ahih hangin amah in, “Oh, ka Topa aw, hong thum ing; midang khat sawl zaw in,” a ci hi.

Jeremiah 34:2

“Topa, Israel mite’ Pasian in kong cihin-ah: Judah kumpipa Zedekiah kiangah pai inla, hih bangin va gen in: ‘Topa in hong genin-ah: En in, keimah in Babylon kumpipa’ khut sungah hih khuapi ka pia ding a, amah in mei tawh a hal ding hi.

2 KHANG TANGTHU NIHNATE 36:11

Zedekiah in uk ding a kipatin kum sawmnih le khat pha a, amah in Jerusalem-ah kum sawm le khat sung uk hi.