Jeremiah 37:1 - Tedim Bible

¹ Babylon kumpipa Nebukhadnezzar in Jehoiakim’ tapa Jehoiakhin’ tangin Judah gam a uk dingin Josiah’ tapa Zedekiah a koih hi.

Tedim Bible Revision 2017

¹ Babylon kumpipa Nebukhadnezzar in Jehoiakimʼ tapa Jehoiakhinʼ tangin Judah gam a uk dingin Josiahʼ tapa Zedekiah a koih hi.

Jeremiah 37:1 Referans Kwoze

Jeremiah 22:24

Topa in Jehoiakim tapa Judah kumpipa Jehoiakhin tungah, “Kei a nungta Pasian ka hih mah bangin, nangmah in ka taklam khutah a om ka letmatthuhna tawh a kibang na hih hangin nang kong lakhia ding a,

2 KUMPI NIHNATE 24:17

Tua ciangin Babylon kumpipa in Jehoiakhin’ tangin ama pa’ sanggampa Mattaniah kumpi-in koih a, ama min Zedekiah-in a kheelsak hi.

2 KUMPI NIHNATE 24:12

Tua ciangin Judah kumpipa Jehoiakhin in Babylon kumpipa tungah amah a kipan, ama nu, a nasemte, a uliante, le a kumpi inn-a zaneite a kipia hi. Topa in a genkholhsa bangin Babylon kumpipa in ama uk a kum giatna kumin thongkia-in amah la a, Topa’ biakinn-a van manpha khempeuh puakhia-in, Kumpi Solomon in a bawlsa, Topa’ biakinn sunga kham nazat khempeuh a satnen hi.

Jeremiah 52:31

Judah kumpipa Jehoiakhin sal a suahzawh kum sawmthum le kum sagih a cin ciangin Babylon-ah Evilmerodak kumpi a suak hi. Tua kumpipa in Judah kumpipa Jehoiakhin hehpih a, tua kum kha sawm le kha nihna a ni sawmnih le ni nga ni ciangin thong sung panin a suaktasak hi.

Jeremiah 24:1

Babylon Kumpi Nebukhadnezzar in Jerusalem khua panin Jehoiakim’ tapa Judah kumpipa Jehoiakhin le Judah kumpi uliante, khutsiamte le sikseek siamte, Babylon khua-ah sal dingin a paikhiatpih khit ciangin Topa in hih maang hong musak hi. Topa’ biakinn mai-ah theigah bawm nih dim ka mu hi.

Jeremiah 22:28

Jehoiakhin, kuama deih loh a kipaimang beel kitam tawh kibang ta ahi hiam? Bang hangin amah le a tate kilawnkhia a, a theih loh uh gamah kipaimang ahi hiam?

Jeremiah 21:1

Zedekiah kumpipa in Malkhiah’ tapa Pashhur le Maaseiah’ tapa Zefaniah-te, Jeremiah kiangah sawl a,

Jeremiah 34:2

“Topa, Israel mite’ Pasian in kong cihin-ah: Judah kumpipa Zedekiah kiangah pai inla, hih bangin va gen in: ‘Topa in hong genin-ah: En in, keimah in Babylon kumpipa’ khut sungah hih khuapi ka pia ding a, amah in mei tawh a hal ding hi.