Jeremiah 36:5 - Tedim Bible

⁵ Tua ciangin Baruk ka sawl a, “Topa’ biakinn-ah a pai dingin kei hong kiphal nawn lo ahih manin

Tedim Bible Revision 2017

⁵ Tua ciangin Baruk ka sawl a, “Topaʼ biakinn ah a pai dingin kei hong kiphal nawn lo ahih manin

Jeremiah 36:5 Referans Kwoze

Jeremiah 33:1

Thong huang sungah Jeremiah a kikhumcip laitak mahin Topa in a nihveina hopih a,

Jeremiah 32:2

Tua hun pen Babylon kumpipa’ galkapte in Jerusalem khua a sim laitak hi a, kamsangpa Jeremiah zong Judah kumpipa’ inn huang sunga thong sungah a kikhumcip laitak ahi hi.

2 KORIN NIHNA 11:23

Amaute Khrih nasem ahihleh kei zong hong hai pau mai ning. Khrih nasem a hoihzaw pekpek ka hi hi. Amaute sangin na ka nak sepzaw a, satna tamvei ka thuakzaw a, sih dektakna tamvei ka tuakzaw hi.

Hebru 11:36

Mi pawlkhat in simmawhna, satna, sikkol bulhna le thongkiatna zong a thuak uh hi.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mithat bangin sikkol hong kibulh hi. Pasian’ thu ahihleh sikkol kibulh thei lo hi.

Efesa 6:20

Pasian’ thu genin taangmi ka sepna hang mahin sikkhau khihna thuakin thongkia ka hih manin ka hilh dingin a kilawm bangin hangtakin ka gen ngam nadingin thu hong ngetsak ta un.

Efesa 3:1

No Gentail mite hangin Jesuh Khrih thu tawh kisai-in thongkia keimah Paul in Pasian kiangah thu ka ngen hi.

Jeremiah 40:4

Tu-in en in, na khuta kibulh kolte tuni-in kong sutkhiatsak a, kong khahkhia ta hi. Babylon khua-ah kei tawh pai ding hoih na sak leh hong pai in. Keimah in limtakin nang kong kem ding hi. Ahih hangin Babylon khua-ah kei tawh pai ding hoih na sak kei leh hong pai kei in. Gam khempeuh na mai-ah om a, na painopna peuhpeuhah na pai thei hi,” a hong ci hi.

Jeremiah 38:28

Tua hi a, Jerusalem khua a kilak ciang dong kei zong thong huangsung mahah ka omlai hi.

Jeremiah 38:6

Tua ciangin amaute in kei hong man uh a, thong huang sunga om kumpipa’ tapa Malkhiah’ tuikhuk sungah khau tawh hong khiasuk uh hi. Tuikhuk sungah tui om loin buan bek om a, buan sungah ka tumsuk hi.

Jeremiah 37:15

Kumpi uliante zong kei tungah heh mahmah uh a, hong sat khit uh ciangin thong dingin a kizangsa, kumpi thuvanpi pa Jonathan’ inn-ah thong hong kiasak uh hi.

Jeremiah 20:2

Tua ciangin Pashhur in kamsang Jeremiah sat a, Benjamin Kongpi saknung gei, Topa’ biakinn sungah kol a bulh hi.

Nehemiah 6:10

Mehetabel’ tapa Delaiah, a tapa Shemaiah a inn-ah omcip ahih manin ni khat ama kiangah ka pai leh amah in, “Pasian’ inn sung, siangtho munah kituahin biakinn kong kikhaknelh ni; bang hang hiam cih leh nang hong that dingin amaute hong pai uh a, zanin amaute in nang hong that ding uh hi,” hong ci hi.

Late 88:8

Ka kikholhpih mite in kei a hong pelh dingin na hong bawl a, amaute tungah a cikzethuai khatin kei na hong bawl hi. Ka suahtak theih loh nadingin kei hong kikhumcip a,

Jeremiah 32:12

Neriah’ tapa ahi, Mahseiah’ tupa Baruk kiangah ka pia hi. Tua laite, ka innlak sanggampa Hananel tawh, tua kileina laite tunga a min uh a gelh a hong theihpih mite tawh thong huang sunga a tu Judah mite tawh a omkim laitakun ka pia hi.