Jeremiah 34:3 - Tedim Bible

³ Ama khutsung panin na suakta kei ding a, hong kimanin ama khut sungah nang hong kipia taktak ding hi. Nang le Babylon kumpipa maitang kimu-in na kiho ding uh a, Babylon khua-ah na pai ding hi.

Tedim Bible Revision 2017

³ Ama khut sung panin na suakta kei dinga, hong kimanin ama khut sungah nang hong kipia taktak ding hi. Nang le Babylon kumpipa maitang kimu-in na kiho ding uh a, Babylon khua ah na pai ding hi.

Jeremiah 34:3 Referans Kwoze

Jeremiah 32:4

Judah kumpipa Zedekiah zong Khaldea mite’ khutsung pan a suakta kei ding a, Babylon kumpipa’ khut sungah a kipia taktak ding hi. Amah tawh maitang kimu-in a ki-en ding uh a, a kiho ding uh hi.

Jeremiah 21:7

Tua khit ciangin, Topa in kong cihin-ah, Judah kumpipa Zedekiah le a nasemte, le pulnatna, namsau, le kialin a si lo a nungta laiteng pen, amau’ galte le amaute a thatnuam Babylon kumpipa Nebukhadnezzar’ khut sungah ka pia ding hi. Amah in amaute namsau tawh that ding a, hehpih loin, zong a maap kei ding a, itna lungsim a nei kei ding hi,’ va ci un,” a ci hi.

Jeremiah 34:21

Judah kumpipa Zedekiah le a kumpi uliante, a galte uh’ khut sungah pia-in, amaute a that nuam mite le note’ kiang panin a kilehkik khinzo Babylon kumpipa’ galkapte’ khut sungah ka pia ding hi.

Ezekiel 21:25

“A gilo, a siangtho lo, Israel gam uk migilo pa aw, nang’ hun zong hong tungta a, gim na tuah ding ni hita hi.

Ezekiel 12:13

Ama pai nading munah ka ngenthang ka zak ding a, amah awk ding hi. Tua ciangin Babylon khuapi-ah amah ka paipih ding a, a khuapi a mu lopi-in tua lai-ah a si ding hi.

Jeremiah 38:18

Ahih hangin Babylon kumpipa’ uliante na belh kei leh Babylon kumpipa’ khut sungah hih khuapi kipia ding a, amau in mei tawh halin amaute’ khutsung pan na suakta kei ding hi,” ka ci hi.

Jeremiah 37:17

kumpi Zedekiah in kei hong samsak hi. Kumpipa in a inn sungah, “Topa’ hong thugen kam khat beek om lo ahi hiam?” ci-in a hong dongsim hi. Kei zong, “Om mah hi,” ka cih khit ciangin, “Babylon kumpipa’ khut sungah nang hong kipia taktak ding hi,” ci-in ka gen hi.

Jeremiah 27:22

Tuate Babylon khua-ah kipuakhia ding a, ka kankik mateng tua lai-ah a omsuak ding hi. Tua khit ciangin tuate ka lakik ding a, hih munah ka koihkik ding hi, Topa in hong ci hi,” ci-in ka gen hi.

Jeremiah 32:3

Bang hang hiam cih leh Judah kumpipa Zedekiah in ama kiangah, “Bang hangin nangmah in thu genkhol a, ‘Topa in a cihin-ah: En un, hih khuapi, Babylon kumpipa’ khut sungah ka pia ding a, amah in a la ding hi.

Jeremiah 32:28

Tua ahih manin, Topa in kong cihin-ah: En in, hih khuapi Khaldea mite’ khutsung le Babylon kumpipa Nebukhadnezzar’ khut sungah ka pia ding a, amah in a la ding hi.

Jeremiah 34:4

Judah kumpipa Zedekiah aw, Topa’ kammal ngai lai dih in. Topa in nangmah tawh kisai-in a hong genin-ah, nang in namsau tawh thahna na thuak kei ding hi.

Ezekiel 17:15

Ahi zongin Judah Kumpipa in amah lehdo veve a, sakol galkap honpite a ngen dingin Egypt gamah mi paisim sak hi. A deihna bangin tangtung ding ahi hiam? Tua bangin a gamtatna tawh suaktazo ding ahi hiam? A thuciamna palsat napi-in gimthuak loin om thei ding ahi hiam?

Jeremiah 38:23

Na nupite le na tate khempeuh Babylon mite kiangah kipaipih ding a, nangmahmah zong amaute’ khutsung panin na suakta kei ding hi. Babylon kumpipa in hong man ding a, hih khuapi mei tawh a kangtum ding hi,” ka ci hi.

Ezekiel 17:16

“Kei pen a nungta Topa Pasian ka hih mah bangin, kumpi tokhom tungah a tusak, Babylon kumpipa tawh a thuciamna palsat ahih manin Babylon gamah hih kumpipa si ding hi.