Jeremiah 34:11 - Tedim Bible

¹¹ Ahih hangin tua nung ciangin a lungsim uh khelkikin a khahkhiatsa uh numei le pasal silate lakik uh a, sila mahin a zang kik mawk uh hi.

Tedim Bible Revision 2017

¹¹ Ahih hangin tua nung ciangin a lungsim uh khelkikin a khahkhiat sa uh numei le pasal silate lakik uh a, sila mahin a zangkik mawk uh hi.

Jeremiah 34:11 Referans Kwoze

Thuhilh-sia 8:11

A mawhte gim kipia pahpah lo ahih manin mihingte in khialh ding haksa sa lo uh hi.

Paunak 26:11

Ui in a luak a zuatkik bangin mihaite zong a haitat ngei bangin ta kik zel hi.

Zefaniah 1:6

Lam pialin, kei hong zui nawn lote, thudong dingin kei kiangah hong pai nawn lote, ka susia ding hi,” a ci hi.

Hosea 7:16

Amaute, kei’ lam hong nga loin, Baal pasian’ lam nga tawntung uh hi. A khakna ding san a kha thei lo thalpeu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Hosea 6:4

Israel le Judah aw, note bang hong cih thei nawn ding ka hi hiam? Note’ hong itna pen zingsang meiilum bangin thengpak a, a mangthangpak daitui tawh kibang lel hi.

Jeremiah 37:5

Tua hun laitak pen Babylon galkapte in Jerusalem khua a sim laitak uh hi a, tua hun laitak mahin Faro kumpipa’ galkapte, galsim dingin Egypt gam panin hong kuankhia hi, cih thu a zak uh ciangin Jerusalem khua panin a nungkik uh hi.

Jeremiah 34:21

Judah kumpipa Zedekiah le a kumpi uliante, a galte uh’ khut sungah pia-in, amaute a that nuam mite le note’ kiang panin a kilehkik khinzo Babylon kumpipa’ galkapte’ khut sungah ka pia ding hi.

Late 125:5

Ahih hangin amau’ gitlohna a zuite pen siatna a bawlte gim na piak ciangin amaute tawh piakhawm in. Israel tungah nopna om ta hen!

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

1 SAMUEL MASA 26:21

Tua ciangin Saul in, “Ka gamta khial hi; hong ciahkik in, ka tapa David aw; bang hang hiam cih leh tuni-in kei hong suaktasak na hih manin na tungah siatna kong bawl nawn kei ding hi. Ka hai gamtatkha a, nakpitakin ka khial khin hi,” a ci hi.

1 SAMUEL MASA 24:19

Bang hang hiam cih leh mi khatpeuh in a gal pa mu leh amah in a suakta-in a gal pa paikhiasak ding ahi hiam? Tua ahih ciangin tuni-in kei tungah nong bawlna hangin Topa in a hoih tawh nang thaman hong pia tahen.

Paikhiatna 9:28

Topa’ tungah thum un. Bang hang hiam cih leh hih vanging le gialpi kicingzo hi. Note kong paisak ding a, note na khawl nawn kei ding uh hi,” a ci hi.

Paikhiatna 8:15

Ahih hangin nopna a omkik lam Faro in a muh ciangin, amah in a lungsim khauhsak a, Topa’ gensa bangin amau’ thu ngai lo hi.

Paikhiatna 8:8

Tua ciangin Faro in Moses le Aaron samin, “Kei le ka mite’ kiang panin uiphukte a lakkhiat nadingin Topa’ tungah thum in. Topa’ tungah biakna a pia dingin mite ka paisak ding hi,” a ci hi.

Jeremiah 34:10

Mi khempeuh in a silate uh numei ahi a, pasal ahi zongin khahkhia-in sila-in khawikik thei nawn lo ding hi, ci-in thuciamna a nei kumpi uliante a kipan mi khempeuh in mang uh a, a khahkhia uh hi.

Jeremiah 34:12

Tua ciangin Topa in kei hong hopih a,

Jeremiah 34:16

Ahih hangin na lungsim uh na kheelkik leuleu uh a, amau’ utna banga na khahkhiatsa uh sila numei le pasalte na lakik uh a, na na uh sem sakin ka min nong daisak uh hi.