Jeremiah 33:6 - Tedim Bible

⁶ Ahih hangin tu-in, keimah in hih khuapi ka damsak ding a, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Tedim Bible Revision 2017

⁶ Ahih hangin tu-in, keimah in hih khuapi ka damsak dinga, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Jeremiah 33:6 Referans Kwoze

Johan 10:10

Gutate pen a gu ding, a that ding, le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neihtheih nadingun a hong pai ka hi hi.

Isaiah 30:26

Tua tham loin, Topa in ama mite’ liamma tuamin ama satna meimate a damsak ni ciangin, khataang pen nitaang bang ding a, nitaang pen ni sagih sunga taangzah bangin a zah sagihin a taang ding hi.

Late 67:2

Leitungah nangma deihna, minam khempeuhte lakah na vanglian hotkhiatna kithei tahen.

Isaiah 58:8

Tua ciangin ka maipha pen phalvaktung hong bang ding a, note’ tungah hong taangkhia ding hi. Manlang takin na liammate uh hong dam ding hi. Note hong ompih tawntungin note kong hon ding a, na nung na mai uhah ka hong dal ding hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Isaiah 66:12

Topa in hih bangin ci hi: Tu-in gunpi bangin nopsakna le tuiletkhia bangin minamte’ hauhna ama tungah ka tungsak ding hi. Note pen a nu’ nawi teepin, a ang-ah kipua a, a khuk tungah a diang naungek na bang ding uh hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

Isaiah 54:13

“Topa in na tapate khempeuh hoihtakin hilh ding a, na tapate daupai mahmah ding uh hi.

Hosea 7:1

Israel-te a ci uh damsakkik ning, ci-in ka ngaihsut ciangin, amau’ mawhna le amau’ siatna bekbek kimu thei hi. Amaute in mi khemin, inn luhin na gu uh a, konglak nangawnah mi’ na sut uh hi.

Jeremiah 17:14

Topa aw, hong damsak lecin ka natna teng bei ding a, hong honkhia lecin kei ka suakta ding hi. Bang hang hiam cih leh nang pen ka hong phatpa na hi hi.

Micah 4:3

Amah in minam tampite’ thu khensak ding a, Israel gam panin a gamla pekah a om, minam vangliante’ thu khensak ding hi. Amaute in a namsaute uh lokhawhna tu-in seek ding uh a, a teipite uh singhiang heuhna temkawi-in seek ding uh hi. Minam khatlekhat kido nawn lo ding uh a, galkidona theikha nawn lo ding uh hi.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Isaiah 2:4

Amah in minamte khatlekhat kikalah thu khenin, mi tampite’ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Late 37:11

Ahih hangin lungnemte in leitung luahin, genzawh lohin amaute nuamsa ding uh hi.

Thu-hilhkikna 32:39

‘Tu-in thei un, keimah a kici pa pen kei ka hi a, kei simloh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khutsung pan a honkhiazo kuamah om lo hi.

Efesa 6:23

Pa Pasian le Topa Jesuh Khrih in ulenaute khempeuh tungah nopsakna le itna, thu upna tawh hong piakhawm tahen.

Late 72:7

Ama hun sungin thuman pung hen la, khapi a bei mateng nopna om tahen.

Paikhiatna 34:6

Ama mai-ah Topa pai-in, “Topa, Topa, hehpihna nei-in a dik Pasian; lungduai-in itna kip le thutakna tawh a dim;

Isaiah 39:8

Tua ciangin Hezekiah in Isaiah kiangah, “Nong gensa Topa’ thu a hoih ahi hi,” a ci hi. Bang hang hiam cih leh amah in, “Kei’ nuntak hun sungin nopna le lungmuanna om buang ding hi,” ci-in a ngaihsun hi.

Jeremiah 3:22

Topa in, “Hong kileh kik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa kote’ Pasian na hi hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Late 147:3

Amah in lungsim kitamte damsak a, amau’ meimate a tuamsak hi.

Thuhilh-sia 3:3

Gawh hun om a, khoi hun om hi. Phel hun om a, lam hun om hi.

Isaiah 57:18

“Amau’ mawh gamtatnate a vekin ka mu khin a, ahih hangin amaute ka damsak ding hi. Amaute makaihin ka hehnem ding a, a dah a kapte hehnemin ka lungdamsak ding hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Jeremiah 29:11

Bang hang hiam cih leh Topa in kong cihin-ah, mai lamah lametna note kong piakkik ding, na siatna ding uh hi loin na phattuamna ding uh geelna ka neihte kei bek in ka thei hi.

Micah 7:20

Ka pu ka pate uh tungah na ciamsa bangin, Abraham’ suanlekhakte ahi nangma mite tungah na cihtakna le nong itna kip nong lak ding hi.