Jeremiah 33:3 - Tedim Bible

³ Kei nong sap leh kong dawngkik ding a, na theih ngei nai loh a ki-imcip thu lianpite kong gen ding hi.

Tedim Bible Revision 2017

³ Kei nong sap leh kong dawngkik dinga, na theih ngei nai loh a ki-imcip thu lianpite kong gen ding hi.

Jeremiah 33:3 Referans Kwoze

Jeremiah 29:12

Tua hun ciangin note in kei hong samin, hong pai-in thu nong ngen ding uh a, ke’n zong kong dawng ding hi.

Isaiah 65:24

Amaute in hong sap ma-in ke’n ka dawng ding a, amaute in thu a gen laitakin ke’n ka za ding hi.

Efesa 3:20

Eite a dingin na a hong sepsak, eite’ ngetzah val, le i ngaihsut zawh loh zah dongin a vangliatna tawh tampi tak a hong hihsak thei

Isaiah 48:6

Ka gensa thu khempeuh hong tungta ahih manin, na gennate a man hi, na hong cih ding uh hita hi. Tu a kipanin na a thakte, na theih ngei loh uh hong tung ding a ki-im nate kong gen ding hi.

Late 91:15

Amah in hong sap ciangin amah ka dawng ding hi. Haksatna sungah amah ka ompih ding a, amah honkhia-in ka pahtawi ding hi.

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh le na nuntakna khempeuh uh tawh na zon uhleh amah na mu ding uh hi.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

Late 145:18

Amah a sam mi khempeuh kiangah Topa nai om a, lungsim takpi tawh a sam mi khempeuh kiangah amah nai om hi.

Thu-hilhkikna 4:7

“Bang hang hiam cih leh eite in Topa i sap hun simin eite’ kiangah i Pasian hong nai zahin tua bang pasian a nei minam lian koi-ah om ahi hiam?

Sawltak 2:21

Ahi zongin Topa tungah huhna a ngen khempeuh in hotkhiatna ngah ding uh hi,’ ci-in a kigelh hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawlkhat le min thak a kigelhna suangkang khat ka pia ding hi. Tua suangkang pen a ngahte simloh kuamah dang in thei lo ding hi.

Mattiu 13:35

Hih bangin thugentehna a zatna pen kamsang Isaiah in, “Thugentehna zangin thu ka gen ding a, leitung piancil a kipan a kithei lo thute ka gen ding hi,” ci-in a genkholhsakna thu a tun nading ahi hi.

Micah 7:15

Egypt gam pan na paikhiat hun lai uh bangin, amau a dingin a lamdang nate ka bawl ding hi.

Joel 2:32

Ahi zongin Topa’ tungah huhna a ngen khempeuh in hotkhiatna a ngah ding uh hi. Topa’ gensa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

1 KORIN MASA 1:2

Jesuh Khrih tawh kipawlna hangin Pasian’ mi suakin, Pasian’ mi siangtho cihna a ngah, Korin khua-a om Pasian’ pawlpi mite le eite’ Topa bek hi loin, amaute’ Topa zong ahi, i Topa Jesuh Khrih tungah thu a ngen, mun khempeuhah a om mite tungah lai ka hong khak uh hi.

Jeremiah 23:35

Mi khempeuh in a lawmte kiangah ahi a, a sanggamte kiangah ahi zongin, ‘Topa in bangin hong dawng hiam? Topa in bang hong gen hiam?’ ci-in na kidongzaw ding uh hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

Jeremiah 32:27

“En in, kei pen Topa ka hi a, mi khempeuhte’ Pasian zong ka hi hi. Kei a dingin a haksa lua bang om ahi hiam?

Daniel 2:18

Amah in, vantung Pasian in eite hong hehpihin, tua thuthukpi genkhia thei-in, Babylon gam sunga mipil dangte tawh thahna i thuakkhawm loh nadingin thu i ngen ding hi, ci-in a gen hi.

Daniel 2:22

Amah in thuthukpite le thusimte a lakkhia hi. Amah in khuamial sunga kiseelte thei a, khuavak in amah a umcih hi.

Daniel 2:23

Nang pen ka pu ka pate’ Pasian na hi a, ka hong phat a, ka hong zahtak hi. Nangmah in pilna le thahatna na hong piazo hi. Ka thungetna nong za a, kumpipa kianga ka gen ding thu nong lakzo hi,” a ci hi.