Jeremiah 33:12 - Tedim Bible

¹² “Vanglian Topa in kong cihin-ah, mihing ganhing om loin mun awng ahi mun le a khuapi khempeuhte-ah tuucingte in tuu cingin a tentheihna ding mun hong om ding hi.

Tedim Bible Revision 2017

¹² “Vanglian Topa in kong cih in ah, mihing ganhing om loin mun awng ahi mun le a khuapi khempeuhte ah tuucingte in tuu cingin a ten theih nading mun hong om ding hi.

Jeremiah 33:12 Referans Kwoze

Isaiah 65:10

Amaute in kei hong bia ding uh a, Sharon gam pen amau’ tuuhon gamtatna mun suaksak ding uh a, Akhor Kuam pen amau’ bawng honte’ lupna mun a suaksak ding uh hi.

Jeremiah 51:62

tua khit ciangin, ‘Topa aw, hih munah mihing hitaleh ganhing hitaleh bangmah teng loin, a tawntungin a kinusia a suah nadingin na suksiatna ding na gen khinzo hi,’ ci-in thu ngen in.

Jeremiah 36:29

Judah kumpipa Jehoiakim’ thu tawh kisai-in hih bangin ama kiangah va gen in: ‘Topa in hong genin-ah: Nangmah in, “Jeremiah aw, bang hangin Babylon kumpipa hong pai taktakin hih gam hong susia ding a, mihing le ganhing a tengsak nawn kei ding hi, ci-in hih lai sungah at na hi hiam?” ci-in na gen a, tua laizial na haltum hi.

Jeremiah 31:24

Judah gam le a khuapite sungah lokhote le tuucing a a vak kawikawi mite a tengkhawm ding uh hi.

Jeremiah 17:26

Mite in Judah gam khuapite le Jerusalem khua kiim panin ahi zongin, Benjamin gam, Shefelah zanglei gam, mualtung gam, le leitaw lam Negeb gamte panin ahi zongin meihal biakna le biakpiaknate, an tawh biakna, paknamtui le lungdam biakpiaknate, Topa’ biakinn-ah hong pia ding uh hi.

Solomon la 1:7

Ngaihno aw, hong gen dih in. Koi lai-ah na tuu cing ding a, sunin koi lai-ah khawl ding na hi hiam? Bang hangin tuucing dangte lakah nang hong zong kawikawi masa se ding ka hi hiam?

Jeremiah 31:12

Amaute hong pai-in Zion mual tungah ngaihtakin la sa ding uh a, Topa’ hehpihna ahi, buh, leenggahzu, sathau le tuuno, bawngnote’ hangin amaute a lungdam mahmah ding uh hi. A nuntakna uh, tui a kibuak huan bang ding a, lungkham nawn lo ding uh hi.

Jeremiah 32:15

Bang hang hiam cih leh Vanglian Topa, Israel mite’ Pasian in a hong genin-ah: Hih gamah innte, lote le leenggah lote mite in a leikikta ding uh hi,’ ci-in ka gen hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lamkhialin a gammanpih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

Haggai 1:4

“Ka mite aw, ka biakinn a siacipin a om laitakin, inn hoihpipi sungah note na om ding uh kilawm sa na hi uh hiam?

Ezekiel 36:35

Hih leitang pen gammang tulak a bang ngei hinapi-in tu-in Eden Huan a batna le a kisusia, a kiluhgawp, a kinusiacip khuapite pen tu-in a muanhuai kulh tawh ki-umin a sungah mi a tenna thu mi khempeuh in gen belin nei ding uh hi.