Jeremiah 33:10 - Tedim Bible

¹⁰ “Topa in kong cihin-ah, note in, ‘Hih munah mihing, ganhing om loin mundai suak hi,’ ci-in na gen uh mah bangin Judah gam khuapite le Jerusalem khua kongzingte awng a, mihing ganhing kuamah a teng kei hi.

Tedim Bible Revision 2017

¹⁰ “Topa in kong cih in ah, note in, ‘Hih munah mihing, ganhing om loin mun dai suak hi,’ ci-in na gen uh mah bangin Judah gam khuapite le Jerusalem khua kongzingte awng a, mihing ganhing kuamah a teeng kei hi.

Jeremiah 33:10 Referans Kwoze

Jeremiah 32:43

Nangmah in, hih gam pen mihing le ganhing a ten lohna gam simtham hi ding a, Khaldea mite’ khut sungah kipia ding hi, ci-in na gen hangin tu-in hih gamah lo kileikik ta ding hi.

Ezekiel 37:11

Tua ciangin Pasian in kei kiangah, “Mihing ahi Ezekiel aw, Israel mite pen hih guhte tawh kibang uh hi. Amaute in, ‘I keucip a, i lamet ding bangmah om nawn loin i nuntakna guipi beita hi,’ ci uh hi.

Jeremiah 32:36

“Jeremiah aw, nangmah in hih khuapi, namsau tawh thahna, kialpi tunna le pulnatna tawh Babylon kumpipa’ khut sungah kipia ding hi, na ci hi. Ahi zongin tu-in tua bang na cihna hih khuapi tawh kisai-in Topa, Israel mite’ Pasian in kong genin-ah:

Siampi Laibu 26:32

Keimah in leitang ka siasak ding a, tua tungah a teng na galte un lamdangsa ding uh hi.

Jeremiah 26:9

Bang hangin, ‘Hih biakinnpi pen Shiloh tawh kibang ding a, hih khuapi-ah a teng om loin gam simtham suak ding hi,’ ci-in Topa’ minin thu hilh ngam na hi hiam?” ci-in a gen uh hi. Topa’ biakinnpi sungah a om mi khempeuh in Jeremiah a umcih uh hi.

Jeremiah 34:22

En un, Topa in kong cihin-ah, keimah in thu ka pia ding a, hih khuapi-ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuama’ ten lohna mun awng ka suaksak ding hi,” a hong ci hi.

Haggai 1:4

“Ka mite aw, ka biakinn a siacipin a om laitakin, inn hoihpipi sungah note na om ding uh kilawm sa na hi uh hiam?

Late 85:7

Topa aw, kote tungah na itna kip hong lak inla, hong huhin hong hon in.

Late 147:13

Bang hang hiam cih leh amah in na kulhkongpi zawlte tosak a, nangma mite thupha hong piaksak hi.