Jeremiah 32:8 - Tedim Bible

⁸ Tua ciangin Topa’ hong cihna bangmahin thong sungah ka innlak sanggampa hong pai takpi-in hong hopih a, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding le a tankhia ding nangmah na hi hi. Nang a dingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Tedim Bible Revision 2017

⁸ Tua ciangin Topaʼ hong cihna bangmahin thong sungah ka innlak sanggampa hong pai takpi-in hong hopih a, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding le a tan khia ding nangmah na hi hi. Nang adingin lei in,’ hong ci hi. Tua ciangin keimah in Topaʼ hong hopihna taktak hi, ci-in ka thei hi.

Jeremiah 32:8 Referans Kwoze

Jeremiah 32:7

En in, na pano Shullam’ tapa Hananel nang kiangah hong pai ding a, ‘Anathoth khua-a ka lo hong lei in. Bang hang hiam cih leh a lei thei ding lak panin ka kinaipih pen nangmah na om hi,’ ci-in hong gen ding hi, hong ci hi.

Jeremiah 32:2

Tua hun pen Babylon kumpipa’ galkapte in Jerusalem khua a sim laitak hi a, kamsangpa Jeremiah zong Judah kumpipa’ inn huang sunga thong sungah a kikhumcip laitak ahi hi.

Jeremiah 33:1

Thong huang sungah Jeremiah a kikhumcip laitak mahin Topa in a nihveina hopih a,

1 KUMPI MASATE 22:25

Tua ciangin Mikaiah in, “En in, nangmah a bu dingin inndei nungah na pai ni ciangin na thei ding hi,” a ci hi.

Johan 4:53

Jesuh in, “Na tapa nungta ding hi,” a cih hun tawh a kituak lian ahihna thu a pa in thei a, amah a kipan a innkuanpihte khempeuh in Jesuh a um uh hi.

Zekhariah 11:11

Tua ahih manin tua ni-in thuciamna kiphiat hi. Tuu summeet bawlte in hong en giaugiau uh a, hih banga ka gamtatna panin Topa’ thugen ahihlam a phawk uh hi.

1 KHANG TANGTHU MASATE 6:60

Tua ciangin Benjamin minamte’ gam sung panin Geba a lonona gamte tawh, Alemeth a lonona gamte tawh, le Anathoth a lonona gamte tawh ahi hi. Amau’ beh khempeuh’ khuapite sawm le thum ahi hi.

1 KUMPI MASATE 2:26

Tua ciangin siampi Abiathar’ kiangah kumpipa in, “Nangma mun le nangma gam a omna Anathoth ah ciah in; bang hang hiam cih leh na sih ding a kilawm ahi hi. Ahih hangin nangmah in ka pa David’ mai-ah Topa Pasian’ Thuciamna Singkuang na puakna le ka pa’ gimna-ah na gimkhopna hangin tutungin nang kong that kei ding hi,” a ci hi.

Jeremiah 1:1

Benjamin gam Anathoth khua-a siampi khat ahi Hilkiah’ tapa Jeremiah’ thugente hih bang ahi hi.

Jeremiah 32:25

Ahih hangin Topa Pasian aw, hih khuapi Khaldea mite’ khutsung a tung ding hinapi, nangmah in, “A hong theihpih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.

Jeremiah 37:12

Tua laitakin kei zong Jerusalem khua panin ka behte kiangah ka gamhluah teng a la dingin Benjamin gamah a pai dingin ka ding khia hi.

Ezekiel 12:7

Kei zong Topa’ hong sawl bangin ka gamta hi. Galtaite’ hih ding bang teekin tua sunin ka van guangin, tua nitak khuamial ciangin ka khut tawh kawm ka sulet hi. Amaute’ muh mahin ka liangko-ah van kisuanin ka paikhia hi.