Jeremiah 32:25 - Tedim Bible

²⁵ Ahih hangin Topa Pasian aw, hih khuapi Khaldea mite’ khutsung a tung ding hinapi, nangmah in, “A hong theihpih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.

Tedim Bible Revision 2017

²⁵ Ahih hangin Topa Pasian aw, hih khuapi Khaldea miteʼ khut sung a tung ding hi napi, nangmah in, “A hong theih pih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.

Jeremiah 32:25 Referans Kwoze

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang, le pulnatna hangin amaute a sim Khaldea mite’ khut sungah khuapi a kipia ding hi. Nong gensa bangin hong tun loh phamawh ahih manin en in, nang’ na mu ta hi.

Johan 13:7

Jesuh in, “Tu-a ka gamtatna thu na theih loh hangin nidang ciangin na thei ding hi,” a ci hi.

Late 97:2

Meiipite le khuamial sahpite ama kiimah om a, thumanna le thutannate ama tokhom bulpi ahi hi.

Late 77:19

Nangma lamlianpi tuipi tung hi a, nangma lamneute zong luiliante’ tung mah ahi hi. Ahi zongin na khekhapte kimu lo hi.

Jeremiah 32:8

Tua ciangin Topa’ hong cihna bangmahin thong sungah ka innlak sanggampa hong pai takpi-in hong hopih a, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding le a tankhia ding nangmah na hi hi. Nang a dingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Jeremiah 32:26

Topa in kei hong hopih a,

Jeremiah 32:43

Nangmah in, hih gam pen mihing le ganhing a ten lohna gam simtham hi ding a, Khaldea mite’ khut sungah kipia ding hi, ci-in na gen hangin tu-in hih gamah lo kileikik ta ding hi.

Jeremiah 24:10

Namsau tawh kithahna, kialpi, le pulnatnate ka tungsak ding a, amaute le a pu a pate’ kiangah ka piaksa gam sungah khat beek ka nungtasak nawn kei ding hi,” hong ci hi.

Jeremiah 32:15

Bang hang hiam cih leh Vanglian Topa, Israel mite’ Pasian in a hong genin-ah: Hih gamah innte, lote le leenggah lote mite in a leikikta ding uh hi,’ ci-in ka gen hi.

Jeremiah 34:17

Tua ahih manin Topa in kong cihin-ah: Mi khempeuh in na sanggam na mipihte uh khahkhia loin, suahtakna pia loin ka thu hong mang lo na hih uhleh, en un, Topa in kong cihin-ah, note hong khahkhia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khahkhia a, kong suaktasak hi. Leitung gam khempeuhte’ hong lipkhap dingin kong bawl hi.