Jeremiah 32:22 - Tedim Bible

²² a pute a pate uh tungah piak dingin na ciamsa, bawngnawi le khuaizu tui bangin a luanna hih gam na pia hi.

Tedim Bible Revision 2017

²² a pute a pate uh tungah piak dingin na ciam sa, bawngnawi le khuaizu tui bangin a luanna hih gam na pia hi.

Jeremiah 32:22 Referans Kwoze

Paikhiatna 13:5

Amah in note tungah piak dinga na pate’ tungah a ciam, bawngnawi le khuaizu a luanna leitang, Kanaan mite, Hit mite, Amor mite, Hiv mite, le Jebus mite’ leitangah Topa in note hong paipih ciangin hih kha sungin hih bangin na hih ding uh hi.

Paikhiatna 3:8

Egypt mite’ khutsung panin amaute khahkhia-in, tua leitang panin amaute la khia-in a hoih a tanzau leitang, bawngnawi le khuaizu a luanna leitang, Kanaan mite, Hit mite, Amor mite, Perez mite, Hiv mite, le Jebus mite’ omna-ah amaute a paipih dingin kong paisuk hi.

Jeremiah 11:5

tua bang na hih uhleh na pute na pate uh tungah ka ciamsa, tu-a na neih uh bawngnawi le khuaizu tui bangin a luanna gam kong pia ding hi, ci-in thu ka pia hi,” hong ci hi. Tua ciangin keimah in, “Hi ta hen, Topa aw,” ci-in ka dawngkik hi.

Thu-hilhkikna 1:8

En un, note’ mai-ah leitang ka koihzo hi. Pai unla, Topa in na pate uh Abraham, Isaac, Jakob, le amau’ nunga a suanlekhakte uh tungah piak dingin a ciam leitang luah un,’ hong ci hi.

Paikhiatna 3:17

Egypt gam panin note hong lakhia-in Kanaan mite, Hit mite, Amor mite, Perez mite, Hiv mite, le Jebus mite’ leitang, bawngnawi le khuaizu a luanna leitangah note kong paipih ding ka kiciam hi,” ci hi,’ va ci in.

Ezekiel 20:15

Tua ahih manin bawngnawi le khuaizu tui bangin a luanna, gam hoihpen ahi, amaute tungah ka piaksa gamah amaute ka paipih loh nading thu, gamlakah ka kiciam hi.

Ezekiel 20:6

Egypt gam panin amaute paikhiatpihin, amaute a dingin ka zonkhiatsak, bawngnawi le khuaizu tui bangin a luanna gam ahi, gam sung khempeuh panin a hoihpenna munah amaute ka tunpih ding ni teek mahin ka kiciam hi.

Nehemiah 9:15

A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciamsa gamah lutin a luah nadingun amaute na sawl hi.

Joshua 21:43

Tua bangin Topa in amau’ pulepate tungah piak dingin a kiciam leitang khempeuh Israel tungah pia a, amaute in a ngah khit uh ciangin tua lai-ah a teng uh hi.

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Thu-hilhkikna 8:1

“Note nungta-in tampi na phak theih nading uh le na pu na pate uh tungah piak dinga Topa a kiciamsa leitangah va pai-in na neih theih nadingun tuni-a note kiangah kong gen thupiakna khempeuh limtakin na zuih ding uh na ngaihsun ding uh hi.

Thu-hilhkikna 7:13

Amah in note hong itin, tampi hong phasak ding hi. Amah in note tungah piak dingin na pu na pate uh tungah a ciam gam sungah note’ suanlekhakte le na gam sung panun a piangte, na an uh le na leenggahzu uh le na sathau uh, le na ganhingte uh pungsakin, na tuulekeelno honte uh zong thupha pia ding hi.

Thu-hilhkikna 6:23

Amah in i pu i pate tungah piak dinga a ciam leitangah hong paipihin, eite hong piak theih nadingin tua lai panin eite hong paikhiatpih hi.

Thu-hilhkikna 6:18

Topa’ hong ciamsa bangin note’ mai panin na langte khempeuh uh nawhkhiatna tawh na pu na pate uh tungah piak dingin Topa in a ciamsa leitang hoih note in na luah theih nading uh le note na nopsak theih nadingun Topa’ muhna-ah a man le a hoih nate na sem ding uh hi.

Thu-hilhkikna 6:10

“Topa na Pasian un note piak dingin na pate uh Abraham, Isaac, le Jakob tungah a ciam, note’ phuh loh a lian a hoih khuapite,

Thu-hilhkikna 1:35

‘Hih a gi lo khang mite khat beek in, na pate uh tungah piak dinga ka ciam gam hoih na mu kei ding uh a, Jefunneh’ tapa Kaleb bek in tua gam mu ding hi. Amah in a lungsim khempeuh tawh Topa zui ahih manin amah le a tate tungah ama totsa leitang ka pia ding hi!’ a ci hi.

Gamlak-vakna 14:30

Jefunneh’ tapa Kaleb le Nun’ tapa Joshua simloh, note tengsak dingin ka kiciamna leitangah khat beek na tung kei ding uh hi.

Gamlak-vakna 14:16

‘Amaute’ tungah piak dinga a kiciam leitangah Topa in hih mite paipih zo lo ahih manin, amah in gamlakah amaute that hi,’ ci ding uh hi.

Piancilna 50:24

Josef in a sanggamte kiangah, “Kei a si ding ka hi ta hi. Ahih hangin Pasian in note hong kem ding a, hih leitang panin amah in Abraham, Isaac, le Jakob tunga a ciamsa leitangah note hong paikhiatpih to ding hi,” a ci hi.

Piancilna 24:7

Ka pa’ inn le ka suahna leitang panin kei hong la-in, kei kiangah thu hong genin kei tungah hong kiciam a, ‘Na suanlekhakte’ tungah hih leitang ka pia ding hi,’ a hong ci vantung Pasian, Topa in nangma mai-ah a vantungmi sawl ding a, tua lai mun panin nangmah in ka tapa a’ ding zi khat na la ding hi.

Piancilna 13:15

Bang hang hiam cih leh na muh gam khempeuh nang le na suanlekhakte kong pia paisuak ding hi.