Jeremiah 32:18 - Tedim Bible

¹⁸ Nangmah in a kikheel ngei lo itna mi tul tampite’ tungah na lak a, ahih hangin pate’ mawhnate tate’ tungah na thuk hi. Vanglian Topa a kici a lian mahmah, a hat mahmah Pasian aw,

Tedim Bible Revision 2017

¹⁸ Nangmah in a kikheel ngei lo itna mi tul tampiteʼ tungah na lak a, ahih hangin pateʼ mawhnate tateʼ tungah na thuk hi. Vanglian Topa a kici a lian mahmah, a hat mahmah Pasian aw,

Jeremiah 32:18 Referans Kwoze

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Paikhiatna 34:7

mi tul tampite a dingin itna kip a nei; mawhna, thu palsatna le khialhna maisakin; ahih hangin bangbang hitaleh mawhna a khahkhong ngei lo; pate’ mawhna tate’ tung le tute’ tung, khang thum khang lina dongin a thukpa,” ci-in a pulak hi.

Mattiu 27:25

Tua ciangin mi khempeuh in, “Hih mipa’ sihna hangin gimthuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Isaiah 10:21

Jakob innkuan a omlaite a vanglian Pasian kiangah ciahkik ding hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Thu-hilhkikna 10:17

Bang hang hiam cih leh Topa na Pasian uh a lian, a vanglian, a kihtakhuai Pasian, angvan nei loin, sumgolh a la lo, pasian-te’ Pasian, topate’ Topa ahi hi.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amaute’ tungah vang a pia bek na hi hi.

Nehemiah 1:5

Ka thungetna-ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

2 KUMPI NIHNATE 9:26

‘Za ni-in Naboth le a tapate a kithahna ka muh taktak mah bangin leitang tung hih munah nang kong thuk ding hi,’ Topa in ci hi. Tua ahih ciangin tu-in Topa’ thugen bangin amah tawmin tua mun leitang tungah amah paai in,” a ci hi.

Jeremiah 31:35

Topa in sun-a khuavak dingin ni hong pia a, zan a khuavak dingin a kikheel ngei lo kha le aksite hong pia hi. Tuipi a lawh ciangin tuihualte ging zuazua a, ama min pen Vanglian Topa kici hi.

Late 50:1

Vanglian, Topa Pasian hong paukhia a, nisuahna le nitumna kikal leitung mi khempeuh a khawm hi.

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Piancilna 49:24

Ahih hangin ama thal ling loin om a, a khutte kizaptelsak hi. Jakob’ Vanglian Pa’ khut (Israel Suangpi, Tuucingpa’ min),

Luka 6:38

Midangte tungah pia un. Tua hileh Pasian in note tungah zong hong pia ding hi. Bang hang hiam cih leh midangte na piakna uh tawh kizui-in a henhen, a tahtah, a dimletin Pasian in note tungah hong pia ding hi,” a ci hi.

Paikhiatna 34:6

Ama mai-ah Topa pai-in, “Topa, Topa, hehpihna nei-in a dik Pasian; lungduai-in itna kip le thutakna tawh a dim;

Jeremiah 10:6

Topa aw, nang tawh a kibang kuamah om lo hi. Nang na lian a, na min vanglian mahmah hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong omkhawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Jeremiah 50:34

Ahih hangin amaute a honkhia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute a dingin a sem ding hi.

Daniel 2:45

Kuama lawn lohpi-in mualtung pan hong tuksuk suangtum in sik, sumngo, tungman, ngun, le kham tawh kibawl milim a denpaih na mu hi. A lian Pasian in mai lamah bang hong piang ding cih Kumpipa tungah a hong hilh ahi hi. Na mangmat pen ahi bang teekteekin kong gen a, a khiatna zong a man bangin kong genzo hi,” a ci hi.

Late 89:9

Nang in tuipi khang na uk a, a tuihualte a san ciangin na daisak hi.

Jeremiah 33:2

“Leitung bawlin a kipsak Topa, a min Topa a kici Topa in kong genin-ah: