Jeremiah 31:3 - Tedim Bible

³ gamlapi pek panin Topa ka kilang hi. Keimah in nang kong it tawntung a, tua ahih manin nang’ tungah kong thuman tawntung hi.

Tedim Bible Revision 2017

³ gamlapi pek panin Topa ka kilang hi. Keimah in nang kong it tawntung a, tua ahih manin nangʼ tungah kong thuman tawntung hi.

Jeremiah 31:3 Referans Kwoze

Late 103:17

Ahih hangin Topa’ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khang khangin a kip tawntung hi.

Hosea 11:4

Amaute, itna le hehpihna tawh ka len a, domto-in ka biang ciangah ka tawi a, awn sukin an ka pia hi.

Thu-hilhkikna 33:3

Hi taktak hi; amah in a mite it a, ama tungah a ki-ap mi khempeuh a khut sungah om hi. Tua ahih ciangin amaute in na kalsuanna hong zui uh a, nang tung panin lamlahna ngah uh hi.

1 JOHAN MASA 4:19

Pasian in eite hong it masa ahih manin eite in itna i nei thei hi.

2 TIMOTI NIHNA 1:9

Eite’ sepzawhna hang hi loin ama ngimnasa bang leh a dikna hangin Pasian in eite hong honkhia-in ama mi dingin a hong sam hi. Pasian in leitung a pianma pekin Khrih Jesuh tungtawnin tua dikna a hong piak hi a,

ROM (Romans) 8:30

Tua ahih manin ama sap mite a sehsa hi a, a sap mite amah tawh a kipawlin bawl a, amah tawh a kipawlin a bawl mite ama minthanna zong a hawm hi.

Isaiah 45:17

Ahih hangin Topa in Israel-te honkhia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Malakhi 1:2

Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau le Jakob unau hi a, ahi zongin Jakob le a suan a khakte itin,

Thu-hilhkikna 10:15

Tua hi napi-in Topa in na pu na pate uh a itna lian mahmah ahih manin tuni-a mah bangin midangte khempeuh sangin amau’ suanlekhakte hong teelzaw hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

Solomon la 1:4

Hong kai inla zawltai ni. Ka kumpi hong hi inla, na inn-ah hong ciahpih in. Nang tawh om leeng i lung dam hi; leenggahzu ne-in nuamsa ni. Nang kong ngaihkhak tuahpha ing.

Hosea 11:1

Israel a neu lai-in ka it mahmah a, Egypt gam panin ka tapa ka samkhia hi.

Thu-hilhkikna 33:26

“Israel aw, nangmah huh dingin vantungah a tuang a liatna tawh vanpi-ah a om, Pasian tawh a kibang kuamah dang om lo hi.

Thu-hilhkikna 4:37

Amah in na pate uh itin, amau’ suanlekhakte hong teel a, amahmah in ama vanglian tawh Egypt panin note hong paikhiatpih a,

Jeim 1:18

Ama piansakte khempeuh lakah eite a masa pen i suahtheih nadingin thuman thutak zangin ama utthu tawh eite a hong piangsak tawm ahi hi.

ROM (Romans) 9:13

Tua mah bangin Lai Siangtho sungah, “Jakob ka it a, Esau ka mudah hi,” ci-in kigelh hi.

Late 25:6

Topa aw, tanglai pek a kipan a omsa ahih manin, na hehpihna le na itna kip hong phawkkik in.

1 KUMPI MASATE 10:9

Nang tungah lungdamin Israel kumpi tokhom tungah nang a hong koih Topa na Pasian in thupha ngah ta hen! Topa in Israel it tawntung ahih manin nangmah in thutang le thuman na sepkhiat theih nadingin amah in kumpi-in nang hong bawl hi,” a ci hi.

Isaiah 43:4

Nang pen keima mitah manpha-in, pahtakhuai-in, nangmah hong it ka hih manin nangma tangin mite ka pia a, na nuntakna khek nadingin mihingte ka pia hi.

Isaiah 49:14

Ahih hangin Jerusalem mite in, “Topa in eite hong nusia khin a, hong mangngilh khinta hi,” a ci uh hi.