Jeremiah 30:7 - Tedim Bible

⁷ Nu e! Tua ni lianpi hong tung ding a, nidang tawh tehtheih ding hi lo hi. Jakob suante’ gimhun hi ding a, ahih hangin amaute suakta veve ding uh hi.

Tedim Bible Revision 2017

⁷ Nu e! Tua ni lianpi hong tung dinga, nidang tawh teh theih ding hi lo hi. Jakob suanteʼ gim hun hi dinga, ahih hangin amaute suakta veve ding uh hi.

Jeremiah 30:7 Referans Kwoze

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pianzawh a kipan a nasia penpen gimna hun hong tung ding hi. Tua hun a hong tun ciangin Pasian’ laibu sungah a min a kigelh na mite khempeuh kihonkhia ding hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Daniel 9:12

Na gensa bangin kote tung le ko hong ukte tungah na hong bawlzo hi. Leitung a om khuapi dang khatpeuh sangin Jerusalem khuapi a nasia zaw-in gim na pia hi.

Joel 2:11

Ama mihonpite tam mahmah uh ahih manin amaute thu pia-in a mai uhah Topa awng a, ama thupiakna bangin a semte hat mahmah uh hi. Topa’ ni ding kihtakhuai mahmah ahih manin a thuakzo ding kua om ding ahi hiam?

ROM (Romans) 11:26

Tua hi a, Lai Siangtho sungah a kigelh mah bangin Israel mite khempeuh in hotkhiatna ngah ding uh hi. Lai Siangtho in, “Zion panin Honpa hong pai ding a, Jakob’ suanlekhakte sunga om gitlohna khempeuh maisak ding hi.

Marka 13:19

Bang hang hiam cih leh Pasian in leitung a piansak cil a kipanin tuhun dong, cikmahin tua bang haksatna a om ngei lo, nidang ciangin zong a om ngei nawn lo ding, tua hun laitakin hong tung ding hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

Kah la 1:12

A kiim a pamah a pai mi khempeuh kiangah, “Hong en in, kei’ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Jeremiah 30:10

“Tua ahih manin Topa in kong cihin-ah: Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte uh a saltanna uh panin ka honkhia ding hi. Jakob’ suante hong ciah ding uh a, nuamtakin a tengkik ding uh hi. Kuamah in amaute a lausak nawn kei ding hi.

Late 34:19

Thuman mi’ thuakna a tam mahmah hangin tuate khempeuh panin Topa in amah a hon hi.

Mangmuhna 6:17

Amaute’ hehna hangin gimna hun hong tungta ahih manin kua in thuakzo ding ahi hiam?” a ci uh hi.

Sawltak 2:20

Topa’ ni, a lian thupi ni, hong tunma-in ni hong mialin, kha, sisan hong bang ding hi.

Joel 2:31

Topa’ ni, tua a lauhuai hun a hong tun ma-in ni hong mialin, kha, sisan hong bang ding hi.

Kah la 4:6

Jerusalem’ mawhna Sodom khuapi’ mawhna sangin lianzaw ahih manin, thakhatin Pasian’ khutsung pan kisiatna a ngah uh hi.

Kah la 2:13

Ka it Jerusalem khuapi aw, bangci ding ka hi hiam? Hong bangci hehnep ding ka hi hiam? Nang thuak bangin a thuak kuamah om lo hi. Na tuahsiatna tuipi cia pha a, a lamethuai bangmah om nawn lo hi.

Late 25:22

Pasian aw, amau’ haksatna khempeuh panin na mi Israel-te honkhia ta in.

Piancilna 32:7

Tua ciangin Jakob nakpitakin lau-in lungkham hi. Amah in ama kianga om mite, tuuhonte, bawnghonte, le kalaohte pawl nihin khen a,

Isaiah 20:6

Tua ni ciangin hih tuipi gei-a teng mite in, ‘En un, eite’ lametna, Assiria kumpipa’ kiang panin eite hong honkhia dingin i belh mite’ tungah hih bang piang khinta hi. Eite bangci suahtak ding ihi hiam?’ ci ding uh hi,” a ci hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Jeremiah 2:28

“Note-a’ dinga na bawl uh na pasian-te uh koi-ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gam sung uhah khualmi bangin nang omin khualzin zan khat bek a taam bangin hong om na hi hiam?

Joel 1:2

No khangham zawdiakte aw, ngai un; Judah gammi khempeuh aw, na bil uh ngat un. Note’ khansung ahi a, na pu na pate uh khansung ahi zongin, hih bang thu piang ngei peuhmah ahi hiam?

Joel 1:15

Kalai! A hun hong naita! Topa’ ni hong naita a, Vanglianpa’ suksiatna hun hong naita hi.

Zekhariah 14:7

khuamial hun cih zong om lo ding hi. Zan hun nangawnin sun khuavak bek om ding hi. Hih thu a pian’ ding hun, Topa bek in a thei hi.

Micah 4:9

Bang hangin tu-in nakpitakin kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

Habakkuk 3:16

Hih thute khempeuh ka zak ciangin ka pumlin’ a, lau lua-in ka muk ling sapsap hi. Ka guh ka taang hong zen a, guh nei lo bangin ka pukcipsuk hi. Ko hong simgawp mite Pasian in gim a piak ding hun daitakin ka ngak khikhe ding hi.