Jeremiah 30:3 - Tedim Bible

³ Bang hang hiam cih leh Topa in kong cihin-ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piaksa gamah ka tunpihkik ding a, amaute in tua gam a tangkik ding uh hi, Topa in kong ci hi,” hong ci hi.

Tedim Bible Revision 2017

³ Bang hang hiam cih leh Topa in kong cih in ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piak sa gamah ka tunpihkik dinga, amaute in tua gam a tangkik ding uh hi, Topa in kong ci hi,” hong ci hi.

Jeremiah 30:3 Referans Kwoze

Jeremiah 29:14

Topa in kong cihin-ah, note in nong mu ding uh a, na saltanna uh hong beisakin, kong hawlkhiatna gam khempeuh le mun khempeuh panin kong kaikhawm kik ding a, note kong lakkhiatna gam mahah kong tunpih kik ding hi, Topa in kong ci hi.

Jeremiah 16:15

Amaute in, ‘Leilu lam gam le eite hong hawlkhiatna gam khempeuh panin Israel mite a hong kaikhawm Topa a nuntak bangin,’ a cizaw ding uh hi. Bang hang hiam cih leh a pu a pate uh ka piaksa, amau’ neihsa gamah amaute ka paipih ding hi.

Ezekiel 20:42

Na pu na pate uh tungah piak dingin ka ciam Israel gam sungah note kong tunpih ciangin Topa ka hihna thu na hong thei ding uh hi.

Jeremiah 30:18

“Topa in kong cihin-ah: En un, keimah in Jakob suante’ bukte ka lamkik ding a, a tenna uh ka hehpih ding hi. Khuapi zong a omnasa mualtung mahah kilamkik ding a, kumpipa’ inn zong a omnasa mahah omkik ding hi.

Zefaniah 3:20

Tua hun ciangin, a kithehthang na mite uh kong kaikhawm ding a, leitung mi khempeuh in note hong phat ding uh hi. A tawpna-ah note na cithei kik ding uh hi,” Topa in ci hi, a ci hi.

Jeremiah 33:26

Jakob le ka nasempa David’ suante ka nial ding a, Abraham, Isaac, le Jakob’ suante a uk dingin amaute’ lakah mi khat zong a teello ding mah ka hi hi. Ahi zongin tu-in tua bang hi loin amaute ka hausakkik ding a, ka hehpih ding hi,” a hong ci hi.

Jeremiah 32:44

Benjamin gam, Jerusalem khua kimkot le Judah gam khuapite a kipan mualtung a khuapite, Shefelah zanglei-a khuapite le leitaw lam Negeb gam a khuapite-ah sum tawh lo kilei ding a, a theihpih mite tawh thukimna min gelhin gip tawh kikhen ding hi; bang hang hiam cih leh keimah in amaute a gam mah uhah ka omsakkik ding hi, Topa in kong ci hi,” a hong ci hi.

Hebru 8:8

Tua ahih manin Pasian in ama mite mawhsakna thu na gen a, “Topa in hih bangin ci hi: Israel mite le Judah mite tawh thuciamna thak ka bawl ding hun hong tung ding hi.

Joel 3:1

“Tua hun ciangin Judah le Jerusalem, a nidang hun lai mah uh ka bangsakkik ding hi.

Ezekiel 36:24

Gam khempeuh le minam khempeuhte lak panin note hong kaikhawm kikin na gam uhah kong tunpih kik ding hi.

Late 53:6

Zion panin Israel-te a’ ding hotkhiatna hong tunna ding thu ka ngenngen hi. Pasian in ama mite tungah nopsakna a piakkik ciangin, ama mi Israel-te kipak mahmah ding uh hi.

Luka 21:6

“Tu-a na muh uh hih nate khempeuh a siatgawp ding hun hong tung ding hi. Inn lamna-a a kiciang suangte a kithuapin a om nangawn om nawn loin kiphelkekmang ding hi,” a ci hi.

Luka 19:43

Na kimkotah na galte in a panmun ding uh hong to-in, hong umcihin hong nehcih hun hong tung ding hi.

Luka 17:22

Tua ciangin Jesuh in nungzuite kiangah, “Nikhat ni ciangin Mihing Tapa nikhat sung bek nangawn na muhnop hun uh hong tung ding a, ahi zongin na mu kei ding uh hi.

Ezekiel 47:14

Hih gam na pu na pate uh tanh dingin ka piakna ding thu, amaute tungah thupi takin ka kiciam khinzo hi. Tua ahih manin tu-in note’ lakah a kikim dimdiamin hawm un.

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawlkhiatna gam khempeuh panin amaute ka kaikhawm kik ding a, hih munah tunpih kikin, lungmuang takin ka omsak ding hi.

Jeremiah 31:38

Topa in kong cihin-ah, “Hananel Tausangpi panin khuakulh Kiu Kongpi dongin khuapi a kibawlphat hun hong tung ding hi.

Jeremiah 31:31

“En un, Topa in kong cihin-ah, Israel minamte le Judah minamte tawh thuciamna thak khat ka bawl ni hun hong tung ding hi.

Jeremiah 31:27

Topa in kong cihin-ah, “Israel gam le Judah gam, mihing le ganhing tawh ka dimsak hun hong tung ding hi.

Jeremiah 30:10

“Tua ahih manin Topa in kong cihin-ah: Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte uh a saltanna uh panin ka honkhia ding hi. Jakob’ suante hong ciah ding uh a, nuamtakin a tengkik ding uh hi. Kuamah in amaute a lausak nawn kei ding hi.

Jeremiah 27:22

Tuate Babylon khua-ah kipuakhia ding a, ka kankik mateng tua lai-ah a omsuak ding hi. Tua khit ciangin tuate ka lakik ding a, hih munah ka koihkik ding hi, Topa in hong ci hi,” ci-in ka gen hi.

Jeremiah 27:11

Ahih hangin Babylon kumpipa’ hakkol pua a, ama na a sem gam pen, lo kho-in a tentheih nadingin ama gam sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Ezra 3:12

Midang tampi lungdamin a aw neih zahun a kiko uh hangin a biakinn masa a mu ngeisa siampite, Levi mite, le innkuan lutang, midang tampite in hih biakinn bulpi a kiphuh a muh uh ciangin kapin a thum uh hi.

Ezra 3:8

Amaute, Jerusalem khua-a Pasian’ biakinn-ah a hong ciahkik uh a kum nihna, tua kum a kha nihna sungin Shealtiel’ tapa Zerubbabel le Jozadak’ tapa Jeshua, nasep kipan uh a, a Israel mipihte, siampite, Levi mite, le salsuahna panin Jerusalem-ah a hong ciahkik mite khempeuh in zong a huh uh hi. Amaute in Levi mite kum sawmnih panin a tungsiah peuhmah Topa’ biakinn sungah biakna nasepte a vaan dingin a seh uh hi.

Ezra 3:1

A kha sagihna hong cin ciangin Israel mite amau’ khuapi ciatah teng khin uh ahih manin, khekhat khai bangin Jerusalem-ah hong kituah diam uh hi.

Thu-hilhkikna 30:3

Topa na Pasian un note na ngei uh hong bangsakkikin, note tungah hehpihna hong nei ding a, Topa na Pasian un note hong thehthangna mi khempeuhte lak panin note hong kaikhawm kik ding hi.

Jeremiah 31:23

Vanglian Topa, Israel mite’ Pasian in hong genin-ah: “Keimah in amaute a gam uhah ka omsakkik ciangin, Judah gam le a khuapite uhah amaute in, ‘Thuman thutak a tenna mual siangtho aw, Topa in thupha hong pia ta hen,’ ci-in a genkik leuleu ding uh hi.

Thu-hilhkikna 30:5

Note in na neih theih nadingun, na pu na pate uh neih leitangah, Topa na Pasian un hong paipih ding a, na pu na pate uh sangin a citheizaw a tamzaw-in note hong bawl ding hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam salsuahna panin na pu na pate uh’ luah dingin ka piaksa gamah a paikhawm ding uh hi.

Jeremiah 29:10

“Topa in kong cihin-ah: Babylon khua-ah kum sawmsagih na om khit uh ciangin, note kong kan kik ding a, kong kamciamnasa hong tangtung sakin hih munah kong lakik ding hi.

Jeremiah 30:4

Israel le Judah mite tawh kisai-in hih bangin a gen hi:

Jeremiah 31:16

Topa in kong cihin-ah: “Kap nawn kei unla, na khitui uh nul un. Bang hang hiam cih leh Topa in kong cihin-ah, na nasep thaman uh na ngah uh hi. Amaute galte’ gam panin hong ciahkik ding uh hi.

Jeremiah 51:60

Keimah in Babylon khua tawh kisai-in Babylon khua-ah a tung ding gimna khempeuh laibu khat sungah ka gelh hi.

Late 126:4

Topa aw, lei keuna munah guah in tui a puak bangin kote’ nopsaknate a ngei hong bangsakkik ta in.

Ezekiel 34:13

Gamdang panin amaute lakhia-in ka kaikhawm ding a, amaute’ leitangah ka tunpihkik ding hi. Israel mualtungte, lui geite, le mite’ tenna mun khempeuhah amaute ka gamtasak ding hi.

Zefaniah 2:7

Judah mi a omlaite in na gam sung luah ding uh a, amaute in tuucinna-in nei-in, Ashkelon khuasunga om innte sungah zanin lum ding uh hi. Topa ahi amaute’ Pasian in amaute ompih ding a, citheisakkik ding hi.