Jeremiah 30:16 - Tedim Bible

¹⁶ Tua ahih manin no hong thatte kithat ding a, na galte khempeuh uh salin kiman kik ding hi. No hong buluhte kibuluh ding a, no a hong mante, matin omzaw ding uh hi.

Tedim Bible Revision 2017

¹⁶ Tua ahih manin no hong thatte kithat dinga, na galte khempeuh uh salin kimankik ding hi. No hong buluhte kibuluh dinga, no a hong mante, matin om zaw ding uh hi.

Jeremiah 30:16 Referans Kwoze

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sungsuk in. Bang hang hiam cih leh amaute in Jakob’ suanlekhakte thatmang khinin amau’ tenna a susia khin uh hi.

Isaiah 33:1

Hong kisusia nai lo, mi a susiapa aw, tu-in gimna a ngah ding na hita hi. Kuamah in hong khem nai loh, mi khem pa aw, tu-in gimna a ngah ding na hita hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Paikhiatna 23:22

“Ahih hangin note in ama aw limtakin ngai-in keima gen bangin na gamtat uhleh na galte uh’ tungah gal ka hi ding a, na langte uh’ tungah lang ka hi ding hi.

Zekhariah 2:8

Hih bangin maang ka muh khit ciangin, ama mite’ na a sutgawp minam dangte kiangah thu a gen dingin Vanglian Topa in kei hong sawl a, Topa’ mite a su mi peuhpeuh in a mit nauta bangin a manphapen khat a su ahi hi.

Zekhariah 12:2

“Leenggahzu bangin Jerusalem khuapi ka bawl ding a, a kiima om minam dangte in a nek ciangin khamin a hoi ding uh hi. Jerusalem khuapi a umcih uh ciangin Judah gam khuapi dangte zong umcih ding uh hi.

Joel 3:8

Na tanute uh le na tapate uh Judah mite tungah ka zuak ding a, amaute in a gamlapi-a om Seba minamte tungah zuaksawn ding uh hi. Bang hang hiam cih leh Topa in gen khinzo hi.

Isaiah 14:2

Israel mite in amaute manin amau’ gamah ciahpih ding uh a, Topa’ gam sungah amaute pen sila numei sila pasal dingin nei ding uh hi. Amaute a man ngei mite pen tu-in amaute in lehmat ding uh a, amaute a nengniam ngei mite tungah tu-in ukna nei ding uh hi.

Late 129:5

Zion a mudahte khempeuh maizumin kinungkiksak tahen.

Zefaniah 2:8

Vanglian Topa in hih bangin thu gen a, “Moab mite in ka mite a simmawhna, Ammon mite in ka mite a zahkona le ka mite’ gam a sutgawp dingin, a kisaktheih paunate uh ka za khin hi.

Habakkuk 2:16

Tua ahih manin note in zong minthanna ngah loin maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in gimpiakna hai, note hong dawnsak ding a, na minthanna uh mindaina a suak ding hi.

Nahum 1:8

Tuikhang in a suksiat bangin a langte susiagawp a, a galte khempeuh khuamial sungah a nawtkhia hi.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi-ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisikgawp mu-in, kei ka nuam ding hi.

Micah 4:11

Note a hong sim dingin minam tampi hong kikhawm uh hi. Amaute in, “Jerusalem kisusia ding a, i mit in hih khuapi a siasa-in mu ding hi,” a ci uh hi.

Ezekiel 35:5

“Nang pen Israel mite’ gal na hi tawntung a, a mawhna hangun gim a tuah ni a nunung pen, a lungkham thuak hun laitakun Israel mite na siasakmang hi.

Ezekiel 29:6

“Tua ciangin Topa ka hihna thu Egypt mi khempeuh in hong thei ding uh hi. Bang hang hiam cih leh nang pen Israel mite’ muan le suan khat na hi ngei a, ahi zongin nang pen a khauh lo pumpeeng kung khat bang na hi lel hi.

Kah la 1:21

Ka tauna hong ngai in; kei a hong hehnem ding kuamah dang om nawn lo hi. Gimna nong thuaksak manin ka galte lungdam lua uh hi. Na ni ciam ni hong tungsak inla, kei’ thuak bangin ka galte zong thuaksak in.

Jeremiah 2:3

Israel mite pen Topa a dingin a tuam om hi a, ama anlakna ah a anpalte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Isaiah 54:17

Nangmah do nadingin a kibawl hiam peuhmah maavang lo ding a, thukhenna sungah na langah a pang mi khempeuh na nialgawpzo ding hi. Hih thu pen Topa’ nasemte’ gamhluah le keima kiang panin amaute’ dikna a kilahna ahi hi, Topa in ci hi,” a ci hi.

Isaiah 54:15

Mi khatpeuh in note tawh kidona a piansak leh tua pen keima kiang pan hi lo hi. Note tawh kidona a piangsak peuhmah note’ hangin puk ding uh hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, a innte kiluh gawpin, a numeite zong kibuan gawp ding hi. Mi alang bang salin kipaikhiatpih ding a, adangte ahihleh kipaikhiatpih lo ding hi.

Zekhariah 1:14

Vanglian Topa in ama tungah a gensa thute khempeuh keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpitakin itin ka lunghimawh hi.

Jeremiah 50:28

(Ngai dih un. Topa i Pasian’ thuhkikna, ama biakinnpi hangin a phulakna thu Zion khua-ah a taangko dingin Babylon gam panin ka mite suakta-in a tai uh hi.)

Jeremiah 25:12

Kum sawmsagih a cin khit ciangin Topa in kong cihin-ah, Babylon kumpipa le a gam amau’ mawhna hangin gim ka pia ding a, tua gam a tawntungin gam simtham ka suaksak ding hi.

Jeremiah 12:14

Ka mi Israel-te’ luah dingin ka piak gamh a susia nuam a gilo a vengte tawh kisai-in Topa in ka cihin-ah, “En un, a gam uh panin amaute ka botkhia ding a, amau’ khutsung panin Judah mite ka suaktasak ding hi.

Jeremiah 8:16

Leilu lam Dan khua pek panin galte’ sakol nakging kiza hi. A sakol hatte’ hamna awging in gamlelei lingsak hi. Amaute in i gam le a sunga omteng, hong susia khin ding uh hi,’ a ci ding uh hi.

Jeremiah 30:15

Bang hangin na sa-in kapkap na hi uh hiam? Na natna uh a dam thei ding hi lo hi. Na khialhnate uh lian lua-in, na mawhnate uh nasia lua ahih manin hih bangin note ka hong thuaksak hi.

Thu-hilhkikna 30:7

Topa na Pasian un hih samsiatnate khempeuh, no hong bawlsia na galte uh le na langte uh tungah tungsak ding hi.

1 SAMUEL MASA 17:53

Tua ciangin Filistia-te a delhna panun Israel-te hong ciahkik uh a, amaute in a giahphual uh luhsak uh hi.

Paunak 22:23

Bang hang hiam cih leh Topa in amaute panpih ding a, amau a bawlsiate tungah phu a laksak ding hi.

Kah la 1:22

A gitlohna hangun amaute tungah thu khen in. Ka mawhna hangin gim nong piak mah bangin amaute zong gim pia in. Gimna ka thuak manin ka tautau a, ka lungsim a gim mahmah hi.

Zekhariah 1:15

Tua bangin nuamtakin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka mite’ gimna nasiasak semsem uh hi.

Zekhariah 2:12

Judah mite pen gam siangtho sungah Topa’ neihtuam hong suakkik ding a, Jerusalem khua pen ama it penpen khuapi hong hi kik ding hi.