Jeremiah 30:13 - Tedim Bible

¹³ Note a hong don ding kuamah om lo a, na liamma uh a’ ding zatui om lo a, note’ lungdamna ding bangmah om lo hi.

Tedim Bible Revision 2017

¹³ Note a hong don ding kuamah om lo a, na liamma uh ading zatui om lo a, noteʼ lungdam nading bangmah om lo hi.

Jeremiah 30:13 Referans Kwoze

Jeremiah 46:11

Egypt nungakte aw, Gilead gamah pai unla, damna zatui va la un. Zatui tampi na zat khit uh hangin damna na ngah tuan kei uh hi.

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hangin ka mite dam thei lo ahi uh hiam?

Jeremiah 33:6

Ahih hangin tu-in, keimah in hih khuapi ka damsak ding a, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Jeremiah 30:17

Bang hang hiam cih leh Topa in kong cihin-ah, na galte un note, pampaih mi pawl, hong ci-in, ‘Kuama don loh Zion na hi hi,’ hong cih uh hangin note kong cidamsakkik ding a, na liammate uh ka damsak ding hi.

1 JOHAN MASA 2:1

Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Nahum 3:19

Na liammate, a dam theih nading om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beeng ding uh hi. Bang hang hiam cih leh na gitlohna a thuak kha lo kuamah om lo hi.

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik ding a, lungsim takpi tawh amaute ka it ding hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Ezekiel 22:30

Keimah in ka hehna tawh ka suksiat ding hun ciangin kulh a ciangzo ding, kulh a kicipna munah a cingzo ding, le gam sung a huzo ding mi khat amaute lakah ka zong a, ahi zongin tua bang ding mi khat beek ka muzo kei hi.

Isaiah 59:16

Amah in nenniamna a thuakte a huh ding mi khat beek a om lohna a mu hi. Tua ahih ciangin amaute a honkhia ding le a gualzawh nadingin ama vangliatna a zang ding hi.

Isaiah 1:6

Khenuai a kipan luzang dong nangawnin a cidamna mun om lo a, sanim gawpnate, meimapite, le siluang liammate a om hi. Tuate pen a nai kisal lo, kitun lo, sathau tawh zong kinomsak lo hi.

Late 142:4

Ka kiim ka pam khuadakin ka en kawikawi a, ahih hangin kei hong huh ding kuamah om lo hi. Ka belh ding kuamah om lo a, kuamah in kei hong don lo hi.

Late 106:23

Tua ahih ciangin amaute a suksiatna ding a hehna panin a heikhia dingin Pasian’ mai-ah ama teelpa Moses ding hikeileh amaute ka susia ding hi, amah in ci hi.

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat hetkei taleh zong, kuamah in bangmah cihthei tuan lo ding hi.

JOB (Job) 5:18

Bang hang hiam cih leh amah in a liamsak hangin a liamna tunsak ding a, ama satna liamma damsak ding hi.

Thu-hilhkikna 32:39

‘Tu-in thei un, keimah a kici pa pen kei ka hi a, kei simloh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khutsung pan a honkhiazo kuamah om lo hi.

Paikhiatna 15:26

“Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Jeremiah 17:14

Topa aw, hong damsak lecin ka natna teng bei ding a, hong honkhia lecin kei ka suakta ding hi. Bang hang hiam cih leh nang pen ka hong phatpa na hi hi.

Jeremiah 14:19

Topa aw, nangmah in Judah gam nialsiang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Damna ding hun ka lamen uh a, lauhuaina bekbek ka mu uh hi.

Jeremiah 6:7

Tuikhuk panin tuiphul a tawlngak loh bangin, Jerusalem khua panin siatna tawlnga lo hi. Khua sungah ngongtatna le suksiatna ka za ngitnget a, cinatna le liamna bekbek ka mu hi.

Ezekiel 30:21

“Mihing ahi Ezekiel aw, Egypt kumpipa Faro’ khut ka kuaihtansak zo hi. A khut damkikin namsau a tawizawh nadingin kuamah in a khut tuamsak lo hi.

Kah la 2:13

Ka it Jerusalem khuapi aw, bangci ding ka hi hiam? Hong bangci hehnep ding ka hi hiam? Nang thuak bangin a thuak kuamah om lo hi. Na tuahsiatna tuipi cia pha a, a lamethuai bangmah om nawn lo hi.