Jeremiah 3:9 - Tedim Bible

⁹ Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Tedim Bible Revision 2017

⁹ Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Jeremiah 3:9 Referans Kwoze

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Jeremiah 3:2

Khuadak inla mualsang dawnte en dih in. Hong kilup khoppih lohna mun koi laitakah om ahi hiam? Arab mite in a suam dingun gamlakah mi a ngak uh bangin lam gei-ah tu-in na luppih ding mi na ngak hi. Na paktatna le na gitlohna tawh hih gam na ninsakzo hi.

Isaiah 57:6

Kuam sunga om suangmaite na la uh a, tua suangmaite na bia uh hi. Tuate tungah tui tawh biakpiakna sungin, an tawh biakpiakna na paipih uh hi. Hih thute’ hangin kei lungdam ding ka hi hiam?

Jeremiah 10:8

A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Jeremiah 2:7

Singgah le a hoih nate na nek theih nadingun an tamna munah kong tunpih hi. Ahih hangin no nong pai uh ciangin ka gam na ninsak uh a, ka neihsa leitang a kihhuai mun na suaksak tazen uh hi.

Habakkuk 2:19

Sing khatpeuh a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun gimna na ngah ding uh hi. Hih bang milim in note hong hilh thei ding ahi hiam? Ngun le kham tawh limtakin a kizut hangin a sungah nuntakna om lo hi.

Hosea 4:12

Ka mite in aisanin singthem peuh thudotin nei uh a, amau’ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

Ezekiel 23:10

Assiria mite in a puan hawkkhiatsak uh a, a tanu le a tapate matsakin, tua ciangin namsau tawh amah that uh hi. Mun khempeuha numeite in amah gentehna khatin nei uh a, ama tungah thu kikhen hi.

Ezekiel 16:17

Nang kong piaksa kham le ngun kibawl kizepnate, pasal limin na bawl a, tuate tawh paktatna na gamta hi.

Mattiu 5:32

Ahi zongin ke’n note kiangah kong genin-ah: Mi khat peuhmah in pasal dang tawh a mawhna hang lobuang, a zi a mak peuhmah a, a zi in pasal a neihkik leh mi tawh a mawh dingin a bawl a suak hi. Tua a kima numei a tenpihte, numei tawh a mawh mah ahi hi.

Jeremiah 16:18

Amaute’ khialhna le a mawhnate uh a zah nihin ka thuk ding hi. Bang hang hiam cih leh amaute in a muhthadahhuai siluang hawmte tawh a kibang milimte tawh ka gam a ninsak uh a, kihhuaina tawh ka gamh a dimsak uh hi,” hong ci hi.

Ezekiel 23:3

Amaute Egypt-ah a omlai, a khangno laitakun, a nungakna lim uh bei-in numei paktat a suak uh hi.

Ezekiel 23:21

Tua hi a, Oholibah aw, Egypt gamah nungakin na omlai-in na nawi hong kinuaigawp sakin, na nungakna na beisak huna na gamtat hoih lote mah a gamtakik nuam na hi hi.

Hosea 2:2

Tate aw, na nu uh zolbawl un. Amah ka zi hi nawn lo a, kei zong ama pasal ka hih nawn loh hangin a paktatna le midang tawh a mawhnate a khawl nadingin zol un.

Isaiah 57:3

No, aisan numeite’ tapate, numei tawh a mawh mite le numei pangtatte’ tuletate aw, hih lai-ah hong pai un.

Joel 1:19

Topa aw, nangma tungah kong kiko hi. Bang hang hiam cih leh mei in a kattum tawh kibangin, lonona leitang khempeuh le singkung khempeuh keumang khinta hi.