Jeremiah 3:25 - Tedim Bible

²⁵ Tua ahih manin maizumin lum ni. I minsiatna silh ni. Bang hang hiam cih leh i neulai a kipan tuni ciang dong eite le i pu i pate pen Topa i Pasian’ tungah i mawh khinzo hi. Topa i Pasian’ thu i mang kei khinzo hi,” a ci uh hi.

Tedim Bible Revision 2017

²⁵ Tua ahih manin maizumin lum ni. I min siatna silh ni. Bang hang hiam cih leh i neu lai a kipan tu ni ciang dong eite le i pu i pate pen Topa i Pasianʼ tungah i mawh khinzo hi. Topa i Pasianʼ thu i mang kei khinzo hi,” a ci uh hi.

Jeremiah 3:25 Referans Kwoze

Jeremiah 22:21

Na daupai laitakun kong hopih hangin na hong ngai nuam kei uh hi. Na neu tung uh a kipan nong tuacih ngitnget uh a, keima thu nong mang ngei kei uh hi.

Jeremiah 2:26

“Guta khatpeuh a kimat ciangin a zum bangin, Israel mite, a kumpite, a uliante, a siampite, le a kamsangte uh zong a maizum ding uh hi.

ROM (Romans) 6:21

Ahi zongin, tuhunin gamtat dingin zumhuai na sakte uh, tuahun lai-in na gamtat manun bang thaman ngah na hi uh hiam? Tua na gamtatna thaman uh sihna ahi hi.

Daniel 12:2

A sisa mi tampite in nuntakna a ngahkik ding uh hi. Pawlkhatte nungta tawntung ding uh a, pawlkhatte in a tawntung zumna le minsiatna a ngah ding uh hi.

Ezekiel 36:32

Israel mite aw, hih thute khempeuh, note’ lungdam nadingin a bawl ding ka hihlohna thu na theih ding uh ka deih hi. Na gamtatnasate uh hangin maizumin na mindai ding uh ka deihna hizaw hi. Topa Pasian in hih thu kong gen khin hi.

Ezekiel 7:18

Amaute in dahna limin puanhampi silh ding uh a, pumlingawp ding uh hi. A sam uh kimettolsak ding a, a mindai ding uh hi.

Kah la 5:16

Kisaktheihna ding bangmah om nawn lo a, mawh ihih manin gimna a thuak ihi hi.

Kah la 5:7

Ka pu ka pate un mawhna a bawl manun a si khin uh hi. Amaute’ mawhna kote in ka thuak uh hi.

Jeremiah 6:26

Topa in, “Ka mite’ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Jeremiah 2:19

Na gitlohna mah in nangmah hong thuhilh ding a, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam hetloin kha velval hi, cih thu thei inla mu in, Vanglian Topa Pasian in ka hong ci hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin nang tungah hih bang teng hong tung hi lo ahi hiam?

Jeremiah 2:2

“Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Isaiah 50:11

Midang suksiat ding a sawm mite aw, note’ vaihawm siatna mah in note hong susia ding hi. Topa’ khut tung panin gimna thuakin na lumsuk ding uh hi.

Isaiah 48:8

Note pen muantheih ding na hihlohna uh, na suah tung uh a kipan mi lehdo thei na hihna uh ka hong thei hi. Tua ahih manin hih thute na za ngei kei uh a, zong na thei ngei kei uh hi.

Paunak 5:13

Kei hong hilh siate’ thu ka mang nuam kei a, amau’ hong hilhnate ka don keikha hi.

Late 109:29

Kei hong mawhsakte in mindaina silh uh hen la, puanza silh bangin amau’ maizumna tawh kituamcip ta uh hen.

Late 106:7

Ka pu ka pate un Egypt gamah a om lai-un nangma nasepna a lamdangte ngaihsun lo uh hi. Na itna kip a tampite phawk lo uh a, San Tuipi-ah Sangpenpa hong lehdo uh hi.

Thukhente 2:2

hih gam a teng mite tawh thuciamna na bawl kei ding uh hi. Amau’ biakna taute na susia ding uh hi,’ ka hong ci hi. Ahih hangin note in ka thupiakna na mang kei uh hi. Bang hangin lehgamtat na hi uh hiam?

Late 106:6

Ka pu ka pate uh a kipan kote ka khial khin uh hi. Mawhna ka bawl khin uh a, ka gilo gamtat khin uh hi.

Jeremiah 3:13

Na mawhna na phawk ding bek kisam hi. Topa na Pasian na langpanna, singliim nuai khempeuhah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai-ah va si ni. Bang hang hiam cih leh Topa’ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Jeremiah 14:7

Ka mite in kei tungah, ‘Topa aw, ka mawhna uh kote’ langkhatah hong pang ahi ta zongin nangma min hangin kote hong hehpih in. Kote in tam veipi nang kong nungngat uh a, nangma tungah ka hong khial khinzo uh hi.

Jeremiah 14:20

Topa aw, ka gitlohna uh le ka pute ka pate uh gitlohnate ka hong pulak uh hi. Bang hang hiam cih leh nangma tungah ka hong mawh khin uh hi.

Jeremiah 20:18

Gimna le dahna a mu ding le nisima maizum den dingin bang hangin a gil sung panin suakkhia sese ka hi hiam?

Jeremiah 31:19

Nangma kiang panin ka paikhiat khit phetin ka kisikkik a, nong thuhilh khit ciangin dahin ka kun hi. Ka neu laitak a ka minsiatna teng pua niloh ka hih manin maizumin ka lung-am hi,’ a ci hi.

Ezekiel 2:3

“Mihing ahi Ezekiel aw, kei hong langpangin a hong lehdo Israel minamte kiangah nang a hong sawl ka hi hi. A pu a pate uh mah bangin amaute in tu dongin kei hong lehdo lai uh hi.

Paunak 13:18

Thukihilhna a zui lo mi in zawnna le mindaina ngah a, thukihilhna a zui mi in minphatna le pahtawina a ngah hi.

Jeremiah 7:19

Topa in kong cihin-ah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in a thuak uh hizaw hi lo ahi hiam?

Jeremiah 9:18

Mite in, “Va kinawhsak unla, i khitui a luantheihna ding, i mitkhu a kawt theih nadingin eite hong kah uh hen,” a ci uh hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah mah, meihal biakna tawh Baal biakna ding a zumhuai biakna taute na bawl tazen uh hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topa’ hehna hangin anlak hun ciangin a maizum ding uh hi,” a ci hi.

Ezekiel 44:13

Amaute in keima siampi na sem loin, keima biakna na a siangtho nate nai-ah pai thei loin, Siangtho Pen Munah zong lut thei lo ding uh hi. Hihte pen, a muhdahhuai a gamtatnasate uh hangin a hamsiatna uh ahi hi.

Hosea 9:10

Topa in hih bangin gen hi: Israel kong muh cil-in hoih mahmah a, sehnel gam sunga a gah a zun kiuhkeuh leenggah tawh kibang hi. Na pu na pate uh ka muh cil-in hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

Zefaniah 1:17

Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua a zawt ding uh hi. Keima tungah amaute hong khial uh ahih manin, a sisan uh tui bangin kithehthang ding a, a luanghawm uh leilakah muatcip ding hi,” a ci hi.