Jeremiah 3:23 - Tedim Bible

²³ Mualtungte le mualsangte’ tungah gamlum lialuanate zuaupi taktak hi a, Israel mite hotkhiatna ding Topa eite’ Pasian’ kiang bekah om takpi hi.

Tedim Bible Revision 2017

²³ Mualtungte le mual sangteʼ tungah gamlum lialuanate zuaupi taktak hi a, Israel mite hotkhiat nading Topa eiteʼ Pasianʼ kiang bekah om takpi hi.

Jeremiah 3:23 Referans Kwoze

Late 3:8

Gualzawhna pen Topa nangma hang ahi hi. Na mite tungah na thupha hong tung ta hen!

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Johan 4:22

No Samaria mite in na theih taktak lohpi uh na bia uh a, ahi zongin ko Jew mite tungtawnin hotkhiatna thu hong pai ahih manin kote in ka theih uh a bia ka hi uh hi.

Hosea 1:7

Ahi zongin Judah mite ka hehpih ding a, namsau le thal, sakol le sakol tung tuangte, le galsimna tawh hi loin, amaute’ Topa Pasian ahi kei mahmah in amaute ka honkhia ding hi,” a ci hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuhah biakna a pia uh hi. Meihal biakna a piakna uh le tuiphih biakna a piaknate uh tawh kei hong hehsak uh hi.

Jeremiah 17:14

Topa aw, hong damsak lecin ka natna teng bei ding a, hong honkhia lecin kei ka suakta ding hi. Bang hang hiam cih leh nang pen ka hong phatpa na hi hi.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gam sung uhah khualmi bangin nang omin khualzin zan khat bek a taam bangin hong om na hi hiam?

Jeremiah 3:6

Kumpi Josiah in a uk laitakin Topa in kei hong hopih a, “A zulhzau Israel, mualsang tung khempeuhah pai-in singliim nuai khempeuhah numei paktat bangin a om kawikawina na mu khinzo hiam?

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin nang pen kote’ Pa na hi hi. Topa aw, nang pen kote’ Pa na hi a, nangmah in tanglai pek pan kote a hong honkhia pa na hi hi.

Isaiah 63:1

Edom gam, Bozrah khua panin puan ausan silhin a hong pai, a puansilhna-ah minthanna mel nei-in, ama thahatna tawh a hong pai pa kua ahi hiam? A honkhiazo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Isaiah 45:20

“Minamte sung panin a suaktalai note aw, nomau kikaikhawmin hong pai unla, hong nai un! Sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 45:17

Ahih hangin Topa in Israel-te honkhia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

Isaiah 45:15

A taktakin, Israel-te’ Pasian, Honpa pen, amahmah a bucip Pasian ahi hi.

Isaiah 44:9

Milim a bawl mite khempeuh a mawkna hi a, amau’ deih milimte in phattuamna piangsak lo hi. Milim a biate in khua mu thei loin, thu theithei lo a, amaute in maizumna a thuak uh hi.

Isaiah 43:11

“Kei, keimah pen Topa ka hi a, kei simloh honpa dang om lo hi.

Late 62:7

Keima suahtakna le ka minphatna Pasian’ hang ahi hi. A muanhuai ka belh pa, ka bukna Pasian ahi hi.

Paunak 21:31

Galdo nadingin sakolte a baihsa-in kikoih a, ahi zongin galzawhna pen Topa’ hang hizaw hi.

Jeremiah 17:2

A tate un singniim nuai khempeuh le mualsangte’ tunga a biakna taute uh le a nusian uh Asherah milimte phawk veve uh a,

Jeremiah 31:7

Bang hang hiam cih leh Topa in kong cihin-ah, “Jakob a dingin lungdamna tawh ngaih takin la sa unla, gam khempeuh lakah gam lian pen a dingin kiko-in awng un. ‘Topa in Israel mi a omlaite, ama mite hong honkhia khinzo hi,’ ci-in taangko unla phat un.

Isaiah 10:20

Tua ni a kipan Israel a omlaite, Jakob innkuan a suakta laite in amau a sugawp pa suang nawn loin, Topa ahi, Israel Siangtho Pa pen thuman tawh suanin nei ding uh hi.