Jeremiah 3:13 - Tedim Bible

¹³ Na mawhna na phawk ding bek kisam hi. Topa na Pasian na langpanna, singliim nuai khempeuhah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Tedim Bible Revision 2017

¹³ Na mawhna na phawk ding bek kisam hi. Topa na Pasian na langpanna, sing liim nuai khempeuh ah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Jeremiah 3:13 Referans Kwoze

Jeremiah 3:25

Tua ahih manin maizumin lum ni. I minsiatna silh ni. Bang hang hiam cih leh i neulai a kipan tuni ciang dong eite le i pu i pate pen Topa i Pasian’ tungah i mawh khinzo hi. Topa i Pasian’ thu i mang kei khinzo hi,” a ci uh hi.

Jeremiah 3:6

Kumpi Josiah in a uk laitakin Topa in kei hong hopih a, “A zulhzau Israel, mualsang tung khempeuhah pai-in singliim nuai khempeuhah numei paktat bangin a om kawikawina na mu khinzo hiam?

Jeremiah 2:25

Na khe guakin lam pai kei inla, na dang taaksak kei in, kong cih hangin, nangmah in, ‘Bang phamawh ahi hiam? Gamdang pasian-te ka it a, amau’ nung ka zui ding hi,’ na ci hi.

Thu-hilhkikna 12:2

Na suankhiat ding uh minamte in a biakna mun mual sangte tung le mual neute tung le singniim nuai, mun khempeuh na susia taktak ding uh hi.

Jeremiah 3:2

Khuadak inla mualsang dawnte en dih in. Hong kilup khoppih lohna mun koi laitakah om ahi hiam? Arab mite in a suam dingun gamlakah mi a ngak uh bangin lam gei-ah tu-in na luppih ding mi na ngak hi. Na paktatna le na gitlohna tawh hih gam na ninsakzo hi.

Jeremiah 2:20

“Sawtpek lai a kipanin ka hakkol kuaitanin ka ukna nong nial a, hong kihenna khau sutatin, ‘Na na ka sem kei ding hi,’ na hong ci hi. Numei paktatte na bang uh a, mual sang tung teng le sing liim nuai tengah milim na bia kawikawi uh hi.

Ezekiel 16:15

“Ahi zongin na melhoihna le na minthanna a sia lamin zangin, na tuah peuhpeuh luppih ding zolna-in na zang hi.

Jeremiah 14:20

Topa aw, ka gitlohna uh le ka pute ka pate uh gitlohnate ka hong pulak uh hi. Bang hang hiam cih leh nangma tungah ka hong mawh khin uh hi.

Paunak 28:13

A khialhna a im mite a dau pai lo ding a, a mawhna pulakin a kikheel mite in hehpihna ngah ding uh hi.

Nehemiah 9:2

Tua hi a, gamdangmi khempeuh panin Israel mite tuam om uh a, amaute in dinsa-in amau’ khialhnate le a pu a pate uh mawhnate a pulak uh hi.

Jeremiah 14:10

Hih mite tawh kisai-in Topa in thu gen a, “Kei kiang panin amaute vakkhia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Hosea 5:15

Ka mite in a mawhna hangun gimna thuakin kei hong zonkik mateng ka tuaci nusiat phot ding hi. A lungkham uh ciangin kei hong zong ding uh hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Jeremiah 7:26

ahih hangin amau in ka kamsangte’ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a siazaw uh hi.