Jeremiah 3:10 - Tedim Bible

¹⁰ Hih bang teng hinapi a sanggamnu, numei ginalo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Tedim Bible Revision 2017

¹⁰ Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Jeremiah 3:10 Referans Kwoze

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Jeremiah 12:2

Nangmah in amaute na suan a, amaute in zong zung kha-in, khangin, gah hong gah uh hi. A kam uh tawh hong phat khem uh a, a lungsim uh nang tawh kigamla hi.

Isaiah 10:6

Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Late 66:3

Pasian’ tungah thu gen unla, “Nangma bawlnate bangzahta-in dipkuathuai! Na vang lian mahmah ahih manin na mai-ah na galte in nang hong mai-et uh hi.

Late 18:44

Ka thu a zak phetun amaute in hong mang pah uh a, gamdang mite in kei hong mai-et uh hi.

2 KHANG TANGTHU NIHNATE 34:33

Tua ciangin Josiah in Israel mite’ neihsa gam sung khempeuh panin a kihhuaite khempeuh lakhia a, Israel sunga om mi khempeuh Topa amaute’ Pasian’ na a semsak hi. Ama nuntak sung khempeuh amau’ pute pate’ Pasian ahi Topa zuihna panin amaute kiheikhia lo uh hi.

Isaiah 31:6

Israel mite aw, nakpitakin na do pa uh’ lamah kihei kik un.

Jeremiah 11:10

Ka thu a ngai nuam lo a pu a pate uh’ mawhna lamah kilehhei khinzo uh a, pasian dangte’ na a sem dingin a zui khinzo uh hi. Israel mite le Judah mite in a pu a pate uh tawh ka bawlsa uh thuciamna a palsat khinzo uh hi.

Amos 4:9

Na ankungte uh lung nesakin ka vulsak a, na ankungte uh cinasakin a kang dikdekin ka bawl hi. Na huante uh le na leenggui lote uh a hawmguakin ka koih hi. Na theikungte uh le na oliv kungte uh kauphe in gai khin hi. Tua bang hinapi-in kei lamah nong kihei kei uh hi, Topa in ci hi.

Isaiah 29:13

Tua ciangin Topa in, “Amaute’ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi.

Jeremiah 9:1

Ka lutang tuikhuk hong hithei hen la, ka mitte khitui nak hong hithei leh ka mite’ kithahlupna hangin a sun a zanin ka kapkap ding hi.

Malakhi 2:11

Judah mite citak loin, Pasian tungah a thuciamna uh palsat uh a, Israel mite’ lak le Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite, zi-in la-in a tenpih uh hi.