Jeremiah 3:1 - Tedim Bible

¹ “Mi khat in a zi ma hen la, tua nu in zong amah nusia-in, midang khat’ zi va suak leh, a pasal masa in tua nu lakik thei ding ahi hiam? Tua gamteng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Tedim Bible Revision 2017

¹ “Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Jeremiah 3:1 Referans Kwoze

Ezekiel 16:26

A lan mahmah na veng Egypt mite na luppih a, na paktatna tawh kei nong hehsak hi.

Jeremiah 4:1

Topa in, “Israel mite aw, na kilehkik nop uhleh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Jeremiah 2:20

“Sawtpek lai a kipanin ka hakkol kuaitanin ka ukna nong nial a, hong kihenna khau sutatin, ‘Na na ka sem kei ding hi,’ na hong ci hi. Numei paktatte na bang uh a, mual sang tung teng le sing liim nuai tengah milim na bia kawikawi uh hi.

Zekhariah 1:3

Ahi zongin tu-in kei kiangah hong ciahkik le-uhcin, kei zong note kiangah kong paikik ding hi.

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gammite kei tungah citak loin pasian dangte bia uh ahih manin, nang zong hong tulpih lo ding numei paktat khat tenpih inla, tua nu tawh ta nei in,” a ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

Jeremiah 3:9

Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-te’ nung ka zui kei hi,’ bang hangin ci thei ding na hi hiam? Mualkuam zangah a om na lampi totte ento inla, na hihsate mu dih in. A suktai a totai kawikawi kalaoh huk na bang tazen hi.

Thukhente 19:2

A zineu ama tungah heh a, ama kiang panin paikhia-in Judah gam Bethlehem khua-a a pa’ inn-ah ciah a, tua lai-ah kha li sung khawng a om hi.

Micah 2:10

Tu-in ding unla paikhia un. Na khialhna hangun a lauhuai suksiatna tuak ding na hih manun, hih lai mun pen note a dingin mun nuam hi lo hi.

Jeremiah 3:22

Topa in, “Hong kileh kik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa kote’ Pasian na hi hi.

Jeremiah 2:7

Singgah le a hoih nate na nek theih nadingun an tamna munah kong tunpih hi. Ahih hangin no nong pai uh ciangin ka gam na ninsak uh a, ka neihsa leitang a kihhuai mun na suaksak tazen uh hi.

Isaiah 24:5

Ama tunga a tengte in leitung ninsak uh hi. Bang hang hiam cih leh amaute in thukhamte khialin ngeina kipte palsat uh a, tawntung thuciamna peel uh hi.

Thu-hilhkikna 22:21

amaute in a pa’ inn kongah a numei paipih ding uh a, ama khuapi pasalte in suang tawh amah denglum ding uh hi. Bang hang hiam cih leh amah in a pa’ inn sungah paktat gamtatna tawh Israel sungah haina tun hi. Tua bangin note’ lak panin siatna na siangsak ding uh hi.

Mattiu 5:31

“‘A zi a ma mi peuhmah in a zi tungah makna lai pia ta hen,’ ci-in a kigenna zong na zak khitsa uh ahi hi.

Late 106:38

Amaute in Kanaan gam milimte a biakna-un mawhna nei lo a tanute uh le a tapate uh that uh a, hih mi thahna hangin gam sung a nin a suak hi.

Jeremiah 22:20

Jerusalem khua mite aw, Lebanon Mual tungah kahto-in awng unla, Bashan gamah va kiko un. Abarim mualtungah va kiko un; bang hang hiam cih leh na pawlte un gal lel khin hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan’ khinta uh hi.

Hosea 2:2

Tate aw, na nu uh zolbawl un. Amah ka zi hi nawn lo a, kei zong ama pasal ka hih nawn loh hangin a paktatna le midang tawh a mawhnate a khawl nadingin zol un.

Jeremiah 31:22

Bang tanvei lungka ding na hi hiam, a zulhzau ka tanu aw. Bang hang hiam cih leh Topa in leitungah na thak khat bawl a, numei in pasal a honzo hi,” a ci hi.

Ezekiel 16:30

“Topa Pasian in hih bangin ci hi: A bangci lawmlawm na hi hiam? Zumna mel thei loin hih bangin na paktat hi.

Ezekiel 16:35

“Tua ahih ciangin a paktat Jerusalem aw, Topa’ thu ngai in.