Jeremiah 29:9 - Tedim Bible

⁹ Bang hang hiam cih leh ka min tawh no tungah hong gen uh thute zuauthu hi a, ka sawl lohpi ahi uh hi, Topa in ci hi.

Tedim Bible Revision 2017

⁹ Bang hang hiam cih leh ka min tawh no tungah hong gen uh thute zuau thu hi a, ka sawl lohpi ahi uh hi, Topa in ci hi.

Jeremiah 29:9 Referans Kwoze

Jeremiah 27:15

Topa in kong cihin-ah, ‘Keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note le note’ kiangah thu hong hilh kamsangte kong sawlkhia khawm ding a, na si ding uh hi,’ ci hi,” ci-in ka gen hi.

Jeremiah 29:31

“Saltang mi khempeuhte’ kiangah Nehelam khuami Shemaiah tawh kisai-in Topa’ thugenna hih bangin zasak in: Kong sawl lohpi Shemaiah in note kiangah thu hong gen a, zuauthu hong umsak ahih manin,

Jeremiah 29:23

Bang hang hiam cih leh amaute, Israel gamah hai gamtat uh hi: A innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in ka gelh hi.

Jeremiah 27:14

Babylon kumpipa’ na sem kei un, ci-in note’ kianga hong gen kamsangte’ thugennate um kei un. Bang hang hiam cih leh note’ kianga hong gen uh thu pen zuauthu ahi hi.

Jeremiah 29:21

“Vanglian Topa, Israel mite’ Pasian in, kei’ min tawh note kiangah zuauthu a hong hilh Kolaiah’ tapa Ahab le Maaseiah’ tapa Zedekiah-te tawh kisai-in kong genin-ah: En un, keimah in amaute Babylon kumpipa Nebukhadnezzar’ khut sungah ka pia ding a, amah in note’ muhin amaute a thatlum ding hi.

Kah la 2:14

Na kamsangte un zuauthu longal thudang gen ding nei lo uh a, a thuhilhna uh khemna thu bek ahih manin, a khial na hihlam uh a hong hilhtel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Jeremiah 23:21

Topa in, “Keimah in sawlkhia lo napi-in tua kamsangte kuankhia teitei uh hi. Thu bangmah ka gen lohpi, kei’ min paulamin thu a gen mawkmawk uh hi.