Jeremiah 29:2 - Tedim Bible

² Tua hunin kumpi Jehoiakhin le a nu, a kumpi innsungmangte, Judah gam le Jerusalem khua-a makai upate, khutsiamte le sikseekte, Jerusalem khua panin kipai khiatpih khinzo hi.

Tedim Bible Revision 2017

² Tua hunin kumpi Jehoiakhin le a nu, a kumpi innsung maangte, Judah gam le Jerusalem khua-a makai upate, khutsiamte le sikseekte, Jerusalem khua panin kipaikhiat pih khinzo hi.

Jeremiah 29:2 Referans Kwoze

Jeremiah 28:4

Jehoiakim’ tapa Judah kumpi Jehoiakhin le Judah gam panin Babylon-ah salin a paite khempeuh zong hih munah ka lakik ding hi, Topa in hong ci hi. Bang hang hiam cih leh Babylon kumpipa’ vangliatna ka susia ding hi, ci hi,” a hong ci hi.

Jeremiah 24:1

Babylon Kumpi Nebukhadnezzar in Jerusalem khua panin Jehoiakim’ tapa Judah kumpipa Jehoiakhin le Judah kumpi uliante, khutsiamte le sikseek siamte, Babylon khua-ah sal dingin a paikhiatpih khit ciangin Topa in hih maang hong musak hi. Topa’ biakinn mai-ah theigah bawm nih dim ka mu hi.

2 KUMPI NIHNATE 20:18

Nangma sung pan a suak na tapate pawlkhat kilakhia ding a, amaute pen Babylon kumpipa inn sungah innsung maangte hi ding uh hi,” a ci hi.

2 KUMPI NIHNATE 9:32

Tua ciangin tawlet lamah Jehu khuadak to-in, “Kei’ lamah kua om na hi uh hiam?” a ci hi. Innsung maangte nih khawng thum khawng in amah hong ensuk hi.

1 SAMUEL MASA 13:19

Tua laitakin Israel gam sung khempeuhah sikseek khat zong om lo hi. Tua ahih manin Filistia-te in, “Hebru mite in amau a dingin namsau ahi a, teipi ahi zongin hong seeksak kha ding hi,” a ci uh hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuaksuk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Jeremiah 38:7

Kumpipa’ inn sungah na a sem kumpi ulian khat ahi Ethiopia mi Ebedmelek in tuikhuk sungah kei hong kikhiatlam a za hi. Tua laitakin Benjamin Kongpi-ah kumpipa tu-in a om hi.

Jeremiah 29:20

Jerusalem khua panin Babylon khua-ah kong puakkhiat, no saltangte khempeuh aw, Topa’ kammal ngai dih un: