Jeremiah 28:9 - Tedim Bible

⁹ Ahi zongin, nopna hong tung ding hi, ci-in a gen kamsangpa pen Topa’ hong sawl kamsangpa hi taktak hiam, cih kamsangpa’ gen bang hong tun ciangin a kithei pan ding ahi hi,” ka ci hi.

Tedim Bible Revision 2017

⁹ Ahi zongin, nopna hong tung ding hi, ci-in a gen kamsang pa pen Topaʼ hong sawl kamsang pa hi taktak hiam, cih kamsang paʼ gen bang hong tun ciangin a kithei pan ding ahi hi,” ka ci hi.

Jeremiah 28:9 Referans Kwoze

Thu-hilhkikna 18:22

kamsang khat in Topa’ min tawh thu genin, tua thu pen hong tung lo ahi a, a man lo ahi zongin hong hih leh, tua thu pen Topa’ gen loh thu ahi hi. Kamsangpa in ama utthu a gen hi a, amah na kihtak ding uh kul lo hi.

Jeremiah 6:14

Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 14:13

Tua ciangin keimah in, “Ah, Topa Pasian aw, en dih in. Kamsangte in amaute kiangah, ‘Note in namsau ahi zongin, kial ahi zongin na mukha ngei kei ding uh a, hih munah Pasian in lungnopna kip hong pia ding hi,’ a ci uh hi,” ka ci hi.

Jeremiah 8:11

Amaute in ka mite’ thuaknate thupi simsak lo uh a, hoihna a om keei lopi, ‘Hoih hi, hoih hi,’ ci mawkmawk uh hi.

Jeremiah 4:10

Tua ciangin keimah in, “Ah, Topa Pasian aw, nangmah in hih mite le Jerusalem khuamite khem cih takin na khem khinzo hi. Bang hang hiam cih leh amau kiangah, ‘Nopna hong om ding hi,’ ci napi-in, amau a sunlum dingin namsau khat a om gige hi,” ka ci hi.

Ezekiel 33:33

Ahi zongin a tung takpi ding ahih mah bangin, na thugente a tun ciangin amaute lakah kamsang khat omngei ahihlam hong thei ding uh hi,” hong ci hi.

Thu-hilhkikna 18:21

“Na lungsim sung uhah, ‘Topa’ gen ahi lo thu bangci theih ding ihi hiam?’ na cih uhleh,

Isaiah 44:26

a nasempa’ thu kipsakin, a kamtaite’ thugente a sem pa, ‘Jerusalem khua-ah mi tengin, Judah khuapite kilamkik ding a, a kisia khuate ka lamkik ding hi,’ a ci pa;