Jeremiah 28:8 - Tedim Bible

⁸ Nang le kei’ ma-in a om, tanglai-a kamsangte in gam tampi le gam liante’ tungah gal ahi zongin, kial ahi zongin, pulnatna ahi zongin hong tung ding hi, ci-in a genkholzo uh hi.

Tedim Bible Revision 2017

⁸ Nang le keiʼ ma-in a om, tanglai-a kamsangte in gam tampi le gam lianteʼ tungah gal ahi zongin, kial ahi zongin, pulnatna ahi zongin hong tung ding hi, ci-in a gen khol zo uh hi.

Jeremiah 28:8 Referans Kwoze

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlah’ tapa Mikaiah a kici mi khat omlai hi. Ahih hangin amah in kei’ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai-ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Amos 1:2

Amos in, “Zion Mual panin Topa hong hawksuk a, Jerusalem khua panin hong awngkek hi. Tua ahih manin lonona gamteng keugawp a, Karmel mualdawn dum dide teng kausan ta hi,” a ci hi.

Isaiah 13:18

Amau’ thalte in tangvalte that ding hi. Amaute in gil sung pana piang naungekte hehpih lo ding uh hi. Amaute’ mit in naupangte khasiat lo ding hi.

1 KUMPI MASATE 22:17

Tua ciangin amah in, “Tuucing a nei lo tuute bangin mualte tungah Israel mi khempeuh a kithehthang ka mu hi. Topa in, ‘Hihte in makai nei lo hi; amaute lungnuam takin a inn ciat uhah ciah hen,’ ci hi,” a ci hi.

Isaiah 13:1

Amoz’ tapa Isaiah in Babylon siatna ding tawh kisai a thumuhnate:

Amos 1:1

Tekoa khua-a a teng tuucingte lakah Amos a kici mi khat om hi. Uzziah pen Judah kumpi hi-in Joash’ tapa Jeroboam in Israel kumpi a sep laitak, zinlin’ ma kum nih hun laitakin Pasian in Amos tungah hih thute kilangsak hi.

Jonah 3:1

Tua ciangin Topa in Jonah tungah a nihveina thu gen a,