Jeremiah 28:16 - Tedim Bible

¹⁶ Tua ahih manin Topa in a hong genin-ah: ‘En in, hih leitung panin nangmah hong lakhia ding hi. Topa langpanna thu gen na hih manin tu kum sung mahin na si ding hi,’ hong ci hi,” ka ci hi.

Tedim Bible Revision 2017

¹⁶ Tua ahih manin Topa in a hong genin ah: ‘En in, hih leitung panin nangmah hong la khia ding hi. Topa langpanna thu gen na hih manin tu kum sung mahin na si ding hi,’ hong ci hi,” ka ci hi.

Jeremiah 28:16 Referans Kwoze

Jeremiah 29:32

Topa in kong cihin-ah: En un, keimah in Nehelam khuami Shemaiah le a suan a khakte gim ka pia ding hi. Amah in keimah hong langpanna ding thu gen ahih manin ka mite a dingin a hoih ka bawl ding nate, amah le a suan a khakte khat beek in a mu kei ding uh hi, ci-in gen in,” hong ci hi.

Piancilna 7:4

Bang hang hiam cih leh ni sagih sungin sun sawmli le zan sawmli sung leitungah guah ka zusak ding hi. Ka bawlsa nuntakna a nei peuhmah leitung panin ka phiatkhia ding hi,” a ci hi.

Jeremiah 20:6

Pashhur aw, nang le na innsung uha omte khempeuh sal dingin Babylon khua-ah na pai ding uh a, tua lai munah nang na si ding hi. Nang a kipan a man lopi a na thuhilh a ngai na lawmte khempeuh hong kivui ding uh hi,” a ci hi.

1 KUMPI MASATE 13:34

Hih pen lei maitang panin khenkhia-in a susia zah dongin Jeroboam’ innkuan tungah khialhna lianpi a suak hi.

Thu-hilhkikna 6:15

bang hang hiam cih leh note’ lakah a om Topa na Pasian uh a aam Pasian ahi hi. Tua bang hikeileh note’ tungah Topa na Pasian uh hong hehin, lei maitang panin note hong susia ding hi.

Paikhiatna 32:12

Bang hangin Egypt mite in, ‘Mualtungah amaute a that ding le leitung panin amaute a beisak dingin siatna ngaihsutna tawh amah in amaute paikhiatpih hi,’ ci ding uh ahi hiam? A kihtakhuai na hehna daisak inla, na lungsim kheelin na mite tungah hih siatna tungsak kei in.

Amos 9:8

Keimah in hih a khial Israel kumpi gam ka encik a, hih leitung panin amaute ka susia ding hi. Ahi zongin a vekpi-un susiamang loin pawlkhat ka sitlai ding hi.

Jeremiah 28:3

Kum nih sungin Babylon kumpipa Nebukhadnezzar in hih mun pan lakhia-in Babylon khua-ah a puak, Topa’ biakinnpi sunga beelte hih munah ka lakik ding hi.

Gamlak-vakna 29:32

“A ni sagih ni-in bawngtal sagih, tuutal nih, le kum khat a pha tuuno a pa sawm le li, a vekpi-in a sitbaang lo,

Gamlak-vakna 14:37

a gam thu a sialamin a gen tua mite, Topa’ mai-ah gimna in sisak hi.

Jeremiah 28:17

Tua kum mah a kha sagih kha-in kamsangpa Hananiah a si ta hi.

Amos 7:17

Amaziah aw, tua bangin kampau na hih manin Topa in nang kiangah, ‘Na zi pen khua sungah numei paktat suak ding a, gal sungah na tate si ding uh hi. Na gam kiphelkhamin midang tungah kipia ding a, lawkite’ gam sungah nang na si ding hi. Israel mite, galmatin kipaipih ding hi,’ ci hi,” a ci hi.