Jeremiah 28:13 - Tedim Bible

¹³ “Pai inla Hananiah kiangah, ‘Topa in hih bangin hong ci hi: Nangmah in sing tawh kibawl hakkol na kuaitanzo hi. Ahih hangin keimah in sik tawh kibawl hakkol khat tawh ka laih ding hi.

Tedim Bible Revision 2017

¹³ “Pai inla Hananiah kiangah, ‘Topa in hih bangin hong ci hi: Nangmah in sing tawh kibawl hakkol na kuaitan zo hi. Ahih hangin keimah in sik tawh kibawl hakkol khat tawh ka laih ding hi.

Jeremiah 28:13 Referans Kwoze

Kah la 2:14

Na kamsangte un zuauthu longal thudang gen ding nei lo uh a, a thuhilhna uh khemna thu bek ahih manin, a khial na hihlam uh a hong hilhtel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Jeremiah 27:15

Topa in kong cihin-ah, ‘Keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note le note’ kiangah thu hong hilh kamsangte kong sawlkhia khawm ding a, na si ding uh hi,’ ci hi,” ci-in ka gen hi.

Thu-hilhkikna 28:48

Topa in note’ langah a hong sawl ding na galte uh’ na, gilkialna le dangtakna, pum guakin omna, le na khempeuh kitangsapna tawh, na sem ding uh hi. Na galte un note hong suksiat matengin note’ ngawngah sik hakkol hong thuah ding uh hi.

Late 107:16

Bang hang hiam cih leh amah in sumngo kongkhakte sukhamin sikzawlte tum nih a suah hi.

Isaiah 45:2

“Nangma min tawh nang a hong sampa pen Israel Pasian, Topa, keimah ka hihna thu na theih nadingin, nangma mai-ah kei pai-in mualte zalhmai-in, sumngo kongkhakte satzanin a sikzawlte ka sattan ding a, a mialna mun sunga om sum kikoihte, mun simthama sum kiseelte, nangma tungah kong pia ding hi.

Jeremiah 27:2

Topa in kei tungah, “Savun khau tawh a kithuah hakkol bawl in la, na ngawngah thuah in.

Kah la 1:14

Amah in ka mawhna khempeuh a vekpi-in ciamteh a, tuate henin lomkhat suahin ka ngawngzangah hong khih a, gik lua mahmah ahih manin ka taangzo peuhmah kei hi. Topa in ka galte’ khut sungah hong pia ahih manin a cimawh ta ka hi hi.

Ezekiel 30:18

Egypt’ vangliatna ka suksiat ciangin Tahpanhes khuapi-ah khim zinggawp ding a, a kisaktheihpihna teng uh a beita ding hi. Egypt gam sung meiipi in khuhcip ding a, a mi khempeuh salin pai ding uh hi.

2 KHANG TANGTHU NIHNATE 10:11

Tu-in ka pa in note tungah vangik hong suatna-ah keimah in na vangik uh ka behlap ding hi. Ka pa in ciang tawh note hong thuhilh hi; ahih hangin keimah in ciang lingnei tawh note kong thuhilh ding hi,’ ci in,” a ci uh hi.