Jeremiah 27:7 - Tedim Bible

⁷ Ama gam a kisiat hun a tun mateng gam khempeuh in amah a kipan a tapa le a tupa’ na a sepsak ding uh hi. Tua khit ciangin gam tampi le kumpi liante in amah salin a lehneih kik ding uh hi.

Tedim Bible Revision 2017

⁷ Ama gam a kisiat hun a tun mateng gam khempeuh in amah a kipan a tapa le a tupaʼ na a sepsak ding uh hi. Tua khit ciangin gam tampi le kumpi liante in amah salin a leh neihkik ding uh hi.

Jeremiah 27:7 Referans Kwoze

Jeremiah 52:31

Judah kumpipa Jehoiakhin sal a suahzawh kum sawmthum le kum sagih a cin ciangin Babylon-ah Evilmerodak kumpi a suak hi. Tua kumpipa in Judah kumpipa Jehoiakhin hehpih a, tua kum kha sawm le kha nihna a ni sawmnih le ni nga ni ciangin thong sung panin a suaktasak hi.

Mangmuhna 16:19

Khuapi phelthum kisuah a, gam sunga om khuapi dang khempeuh kisia hi. Pasian in Babylon khuapi mangngilh lo a, ama hehna ahi leenggahzu a hai sung panin Babylon khuapi a dawnsak hi.

Mangmuhna 14:8

Tua ciangin vantungmi a nihna in hong zui a, “A Lian Babylon khuapi kicim, kicim! Amah a huk a lanna leenggahzu, mi khempeuh tungah pia-in khamsak a, gimna thuaksak hi,” a ci hi.

Habakkuk 2:7

Note in na phawk ma-un note mahmah leiba neite na suak ding uh a, na leiba uh a meet hong kisungsak ding hi. Galte in note hong lingsak keuhkeuh ding a, na nate uh hong laksakmang khin ding hi.

Isaiah 21:9

En in, sakol tung tuangte a kopkopin hong pai!” a ci hi. Adang khat in, “Babylon cim hi, cim hi. A milim pasian-te khempeuh leilak dongah amah in suksiatsak hi,” ci-in a dawng hi.

Isaiah 13:1

Amoz’ tapa Isaiah in Babylon siatna ding tawh kisai a thumuhnate:

Late 37:13

Ahih hangin Topa in migilo pa’ hun a tungta ahihlam mu ahih manin amah a nuihsan lel hi.

Jeremiah 27:22

Tuate Babylon khua-ah kipuakhia ding a, ka kankik mateng tua lai-ah a omsuak ding hi. Tua khit ciangin tuate ka lakik ding a, hih munah ka koihkik ding hi, Topa in hong ci hi,” ci-in ka gen hi.

Jeremiah 34:1

Babylon kumpipa Nebukhadnezzar in a galkapte khempeuh, a ukna gam khempeuh le a mi khempeuh tawh Jerusalem khua le a kiima khuapite a sim laitakin Topa in kei hong hopih a,

Jeremiah 44:30

Topa in kong genin-ah: ‘En un, Judah kumpi Zedekiah, a gal pa ahi amah a that nuam Babylon kumpipa Nebukhadnezzar’ khut sungah ka piak mah bangin Egypt kumpipa Faro Hofra, a galte’ khutsung, amah a thatnuam mite’ khut sungah ka pia ding hi,’ hong ci hi,” ka cithuah lai hi.

Jeremiah 46:13

Egypt gam a sim dingin Babylon kumpipa Nebukhadnezzar’ hong paina tawh kisai-in Topa in hih bangin kei kiangah a hong gen hi:

Daniel 2:37

Kumpipa aw, kumpi khempeuh lak pan nang a lianpen na hi hi. Vantung Pasian in kumpi-in nang hong koih a, vangliatna, thahatna, le zahtakna a hong pia hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

Habakkuk 2:8

Note in minam dang tampite’ na na sut uh a, tu-in a omlai mite in note’ na hong sut ding uh hi. Bang hang hiam cih leh note in mi thatin, khuapite le a sunga teng mite na bawlsia uh hi.

Ezekiel 30:24

Tua ciangin Babylon kumpipa’ khut ka khauhsak ding a, ama khut sungah ka namsau ka pia ding hi. Ahi zongin Egypt kumpipa Faro’ khut ka kuaihtansak ding a, a langte’ mai-ah tai-in a si ding hi.